..തൃപ്രയാർ: തൃപ്രയാറിലെ പാചക കുലപതി ആയിരുന്ന പരേതനായ മാറാട്ട് ഗോപാലകൃഷ്ണന്റെ ഭാര്യ മീനാക്ഷി(88) അന്തരിച്ചു. മക്കൾ: ശശിധരൻ, ഷൈലജ( തങ്കമ്മ), ശരത് ചന്ദ്രൻ( തങ്കപ്പൻ), ശ്രീവത്സൻ( ശ്രീവത്സം ഇവന്റ്സ് ആൻഡ് കാറ്ററേഴ്സ് തൃപ്രയാർ, നാട്ടിക സർവീസ് സഹകരണ ബാങ്ക് ഡയറക്ടർ), മണി( മഞ്ജു), രാമചന്ദ്രൻ( അബുദാബി), ഉഷ. മരുമക്കൾ: ഗീത, പുഷ്കരൻ, സുജാത, മിനി, മോഹനൻ, വിജയലക്ഷ്മി, രാജശേഖർ( സബ് ഇൻസ്പെക്ടർ, ചെന്നൈ പോലീസ്). സംസ്കാരം 17. 10. 21 (ഞായർ) വൈകീട്ട് 5 മണിക്ക് വീട്ടുവളപ്പിൽ.

തൃശൂർ ജില്ലയിൽ ഇന്ന് (17-10-2021) യെല്ലോ അലേർട്ടാണ്.
ജില്ലയിൽ പൊതുവേ മഴ കുറഞ്ഞ സാഹചര്യമാണുള്ളത്.
ഡാമുകൾ എല്ലാം തുറന്ന അവസ്ഥയിൽ തുടരുകയാണ്.
ഭാരതപ്പുഴ, മണലിപ്പുഴ എന്നിവയുടെ തീരത്തുള്ളവർക്ക് ജാഗ്രതാ നിർദേശം നൽകിയിട്ടുണ്ട്. മണലിപ്പുഴയിൽ ജലനിരപ്പ് വാണിങ് ലെവലിന് മുകളിലെത്തി. പുഴയുടെ തീരത്ത് താമസിക്കുന്നവരെ മാറ്റി പാർപ്പിക്കാനുള്ള സംവിധാനങ്ങൾ ഒരുക്കി വരികയാണ്. മാറിപ്പോകാനുള്ള നിർദേശത്തെ തുടർന്ന് പലരും ബന്ധുവീടുകളിലേക്ക് മാറുന്നുണ്ട്.
ഭാരതപ്പുഴയുടെ തീരത്തെ തിരുവില്വാമല, പാഞ്ഞാൾ, കൊണ്ടാഴി പഞ്ചായത്തുകളിലും സുരക്ഷാ മുന്നറിയിപ്പ് നൽകിയിട്ടുണ്ട്. ഇവിടെയും വെള്ളം കയറാൻ സാധ്യതയുള്ള പ്രദേശങ്ങളിൽ നിന്ന് ജനങ്ങളെ ഒഴിപ്പിക്കുന്നുണ്ട്.