തളിക്കുളം ഗ്രാമപഞ്ചായത്ത് 2022 – 23 ജനകീയാസൂത്രണ പദ്ധതി പ്രകാരം ഗ്രോ ബാഗ് വിതരണം നടത്തി. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത ചടങ്ങ് ഉദ്ഘാടനം ചെയ്ത് സംസാരിച്ചു. വികസന സ്റ്റാൻഡിങ് കമ്മിറ്റി ചെയർമാൻ എ എം മെഹബൂബ് ചടങ്ങിൽ അധ്യക്ഷത വഹിച്ചു. ഒരു ഗുണഭോക്താവിന് ഗുണനിലവാരമുള്ള 10 ഗ്രോ ബാഗുകൾ വീതം 350 ഗുണഭോക്താക്കൾക്കായി 3500 ഗ്രോ ബാഗുകളാണ് വിതരണം ചെയ്തത്. ഗ്രോ ബാഗുകൾ നിറച്ച് ആവശ്യമായ പച്ചക്കറി തൈകളും വിതരണം ചെയ്തു. തളിക്കുളം ഗ്രാമപഞ്ചായത്ത് വൈസ് പ്രസിഡന്റ് പി കെ അനിത ടീച്ചർ, തളിക്കുളം ബ്ലോക്ക് പഞ്ചായത്ത് മെമ്പർ കല ടീച്ചർ എന്നിവർ ചടങ്ങിൽ ആശംസകൾ അർപ്പിച്ചു സംസാരിച്ചു. തളിക്കുളം കൃഷി ഓഫീസർ എ. ടി. ഗ്രേസി ചടങ്ങിൽ പദ്ധതി വിശദീകരണം നടത്തി. വാർഡ് മെമ്പർ ഷിജി സി കെ ചടങ്ങിൽ സ്വാഗതം പറഞ്ഞു. ഹേമലത വത്സൻ എന്നിവരുടെ വീട്ടിൽ വച്ചാണ് ചടങ്ങ് സംഘടിപ്പിച്ചത്. പദ്ധതി പ്രകാരം ഓരോ ഗുണഭോക്താവിന്റെയും വീട്ടിലേക്ക് ഗ്രോ ബാഗുകൾ എത്തിച്ചു നൽകുന്നതാണ് പദ്ധതി.
