സംസ്ഥാന സർക്കാരിൻ്റെ രണ്ടാം വാർഷികത്തോടനുബന്ധിച്ച് തീരമേഖലയിലെ ജനങ്ങളുമായി സംവദിക്കുന്നതിനും അവരുടെ പ്രശ്നങ്ങൾ നേരിൽ മനസ്സിലാക്കി പരിഹാരനടപടികൾ സ്വീകരിക്കുന്നതിനും സർക്കാരിൻ്റെ വികസന ക്ഷേമപ്രവർത്തനങ്ങൾ അവരിലേക്ക് എത്തിക്കുന്നതിനും ലക്ഷ്യമിട്ട് സംസ്ഥാന വ്യാപകമായി 47 തീരദേശ മണ്ഡലങ്ങൾ കേന്ദ്രീകരിച്ച് നടത്തുന്ന തീരസദസ്സ് എന്ന പദ്ധതിയുടെ ഭാഗമായി മെയ് 08 രാവിലെ 9 മണി മുതൽ ഉച്ചക്ക് 1 മണി വരെ ബഹുമാനപ്പെട്ട മന്ത്രിമാർ, ബന്ധപ്പെട്ട ജനപ്രതിനിധികൾ, വിവിധ വകുപ്പ് മേധാവികൾ എന്നിവരെ പങ്കെടുപ്പിച്ച് കൊണ്ട് നടത്തുന്ന നാട്ടിക നിയോജകമണ്ഡലം തീര സദസ്സിൻ്റെ സ്വാഗതസംഘം രൂപീകരണ യോഗം ഫിഷറീസ് ഡെപ്യൂട്ടി ഡയറക്ടർ ശ്രീമതി. കെ. ടി അനിതയുടെ നേതൃത്വത്തിൽ ഏപ്രിൽ 12 ബുധനാഴ്ച രാവിലെ 10 മണിക്ക് തളിക്കുളം ബ്ലോക്ക് പഞ്ചായത്ത് ഹാളിൽ വെച്ച് നടന്നു. ഫിഷറീസ് അസിസ്റ്റന്റ് ഡയറക്ടർ ശ്രീമതി സുലേഖ.എം. ൻ സ്വാഗതം
പറഞ്ഞുകൊണ്ട് ആരംഭിച്ച യോഗത്തിൽ ബഹുമാനപ്പെട്ട തളിക്കുളം ബ്ലോക്ക് പഞ്ചായത്ത് പ്രസിഡന്റ് ശ്രീ. കെ. സി.പ്രസാദ് അദ്ധ്യക്ഷത വഹിച്ചു. ബഹുമാനപ്പെട്ട നാട്ടിക നിയോജകമണ്ഡലം എം എൽ എ ശ്രീ.സി. സി മുകുന്ദൻ.ഉദ്ഘാടനം നിർവഹിച്ച് മുഖ്യപ്രഭാഷണം നടത്തി. തൃശൂർ ജില്ല പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ശ്രീ. പി. എം അഹമ്മദ്, തളിക്കുളം ബ്ലോക്ക് പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ മല്ലിക ദേവൻ, തളിക്കുളം ഗ്രാമപഞ്ചായത്ത് പ്രസിഡന്റ് സജിത പി. ഐ, നാട്ടിക ഗ്രാമപഞ്ചായത്ത് പ്രസിഡണ്ട് ശ്രീ. എം. ആർ.ദിനേശൻ, വലപ്പാട് ഗ്രാമപഞ്ചായത്ത് വൈസ് പ്രസിഡണ്ട് ശ്രീ. വി. ആർ.ജിത്ത്, വാർഡ് മെമ്പർമാർ, ട്രേഡ് യൂണിയൻ നേതാക്കൾ, മത്സ്യഫെഡ്, SAF, ഫണ്ട് ബോർഡ് ഉദ്യോഗസ്ഥർ, മത്സ്യ തൊഴിലാളി സഹകരണസംഘപ്രതിനിധികൾ വലപ്പാട് പോലീസ്ഓഫീസർ , വാടാനപ്പിള്ളി എക്സൈസ് ഓഫീസർ CDS മെമ്പർമാർ,ഫിഷറീസ് എക്സ്റ്റൻഷൻ ഓഫീസർ ശ്രീ അശ്വിൻ രാജ്, ഫിഷറീസ് ഓഫീസർ ശ്രീമതി ഫാത്തിമ പി എ, മറ്റ് ഫിഷറീസ് ഉദ്യോഗസ്ഥർ,ജനപ്രതിനിധികൾ എന്നിവർ പങ്കെടുത്ത് സംസാരിച്ചു. തളിക്കുളം ബ്ലോക്ക് പഞ്ചായത്ത് സെക്രട്ടറി ശ്രീ. റെജി കുമാർ യോഗത്തിന് നന്ദി രേഖപ്പെടുത്തി
