തൃപ്രയാർ ശ്രീരാമസ്വാമി ക്ഷേത്രത്തിലെ ഈ വർഷത്തെ പ്രതിഷ്ഠാദിനം 2023 ഏപ്രിൽ 26 ബുധനാഴ്ച ക്ഷേത്രം തന്ത്രി ബ്രഹ്മശ്രീ പടിഞ്ഞാറേ മന തരണനെല്ലൂർ പത്മനാഭൻ നമ്പൂതിരിപ്പാടിന്റെ മുഖ്യ കാർമികത്വത്തിൽ നടത്തുന്നു. ഏപ്രിൽ 24 തിങ്കളാഴ്ച വൈകിട്ട് 6 മണി മുതൽ ശുദ്ധി ആരംഭിക്കുന്നു. ഏപ്രിൽ 25 ചൊവ്വാഴ്ച വൈകിട്ട് 5 മണിക്ക് കലശപൂജകൾ ആരംഭിക്കുന്നു.7 മണിക്ക് സർപ്പബലി.
പ്രതിഷ്ഠദിനമായ ഏപ്രിൽ 26 ന് രാവിലെ പതിവ് പൂജകൾക്ക് ശേഷം 9 30 മണിയോടുകൂടി ദ്രവ്യ കലശാഭിഷേകം തുടങ്ങുന്നു. 10 30 ന് ഏറ്റവും ഐശ്വര്യപ്രദമായ ബ്രഹ്മ കലഷാഭിഷേകം.ഈ സമയം ദർശനത്തിന് അത്യുത്തമം ആയി കരുതപ്പെടുന്നു. രാവിലെയും ഉച്ചതിരിഞ്ഞ് കാഴ്ച ശീവേലിക്കും രാത്രിയിലും 3 ആനകളോടുകൂടി എഴുന്നള്ളിപ്പും മേളവും ഉണ്ടായിരിക്കുന്നതാണ്. കൂടാതെ ദീപാരാധനയ്ക്ക് സ്പെഷ്യൽ പഞ്ചവാദ്യവും ഉണ്ടാകും
പ്രതിഷ്ഠാദിനത്തോടനുബന്ധിച്ച് ഭക്തജനങ്ങൾക്ക് പ്രസാദ ഊട്ടും ഉണ്ടായിരിക്കും
