കഴിമ്പ്രം വി പിഎം എസ്എൻഡിപി ഹയർ സെക്കൻഡറി സ്കൂളിൽ 2023 ലെ പ്ലസ് ടു പരീക്ഷയിൽ ഉന്നത വിജയം കൈവരിച്ച വിദ്യാർഥികളെ മധുരം നൽകി അനുമോദിച്ചു. ഇന്നലെ ഫലം പ്രഖ്യാപിച്ച പ്ലസ്ടു പരീക്ഷയിൽ തീരദേശത്ത് ഏറ്റവും കൂടുതൽ കുട്ടികളെ പരീക്ഷക്കിരുത്തി 94% വിജയവും 22 കുട്ടികൾക്ക് മുഴുവൻ വിഷയങ്ങളിൽ എ പ്ലസും 24 പേർക്ക് 5 എ പ്ലസ് നേടിയെടുക്കാൻ സാധിച്ചു.
അനുമോദന ചടങ്ങ് നാട്ടിക എസ്എൻഡിപി യൂണിയൻ പ്രസിഡണ്ടും സ്കൂൾ ലോക്കൽ മാനേജറുമായ ശ്രീ. ഉണ്ണികൃഷ്ണൻ തഷ്ണാത്ത് ഉദ്ഘാടനം ചെയ്തു പിടിഎ പ്രസിഡണ്ട് രമേഷ് പള്ളത്ത്,പ്രിൻസിപ്പാൾ ഒ വി.സാജു, ഹെഡ്മിസ്‌ട്രെസ്സ് ബീന ടി രാജൻ, പി ടി എ എക്സിക്യൂട്ടീവ് അംഗങ്ങൾ, അധ്യാപർ എന്നിവർ സംസാരിച്ചു.
