ജീവിതം മടുത്തല്ല
ഞാൻ മരിച്ചത്
മരണത്തെക്കുറിച്ച് ഞാൻ
ഒരിക്കലും ചിന്തിച്ചിട്ടില്ല
ഇനിയും ജീവിക്കാൻ
ആഗ്രഹമുണ്ടായിരുന്നു
അറിയാതെ എപ്പോഴോ
നീയെന്നിലേക്ക് കടന്നു വന്നു
ആഗ്രഹങ്ങൾ ഒരുപാട്
ബാക്കിയായിരുന്നു
പ്രശസ്തിയുടെ കൊടുമുടിയിൽ
നിൽക്കുന്നതും,
പലരും ആരാധനയോടെ
നോക്കുന്നതും,
എന്റെ കഴിവുകളെ കുറിച്ച്
നിങ്ങൾ വാതോരാതെ
സംസാരിക്കുന്നതും,
ഞാൻ സ്വപ്നം കണ്ടിരുന്നു
അതിനു വേണ്ടിയുള്ള എന്റെ
ശ്രമങ്ങൾ വെറുതെയായില്ലേ
കാണാൻ ആഗ്രഹിച്ച
സ്ഥലങ്ങളും,
കഴിക്കാൻ മോഹിച്ച
ഭക്ഷണവും,
പാടാൻ കൊതിച്ച പാട്ടും,
കേൾക്കാൻ കൊതിച്ച നാദവും,
ചെയ്യാൻ ആഗ്രഹിച്ച കാര്യങ്ങളും
ബാക്കിയാക്കി ഞാൻ
യാത്രയായില്ലേ
എന്തിനായിരുന്നു ഞാൻ
മരിച്ചത്
എന്റെ ആഗ്രഹങ്ങൾ
പൂർത്തീകരിക്കുമോ
മരണത്തിനപ്പുറം
എനിക്കൊരു ജീവിതമുണ്ടോ
വിനീത വിനേഷ്
