വാടാനപ്പള്ളി: ലോറി ഇടിച്ച് സ്‌കൂട്ടർ യാത്രികൻ മരിച്ചു. ചിലങ്കാ ബീച്ചിൽ താമസിക്കുന്ന നമ്പിപ്പരീച്ചി ജ്യോതി പ്രകാശ്(50) ആണ് മരിച്ചത്. ഫ്രീലാൻ്റ് ഫോട്ടോഗ്രാഫറാണ് .രാവിലെ 6.30 യോടെയാണ് അപകടം. വാടാനപ്പള്ളി സെന്ററിന് തെക്ക് രാഘവ മേനോൻ റോഡിൽ നിന്നും ദേശീയ പാതയിലേക്ക് പ്രവേശിക്കുന്നതിനിടെ അമിത വേഗതയിലെത്തിയ പാചക വാതക സിലിണ്ടർ കയറ്റി പോയിരുന്ന ലോറി ഇടിക്കുകയായിരുന്നു. ഗുരുതരമായി പരിക്കേറ്റ ഇയാളെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

നാട്ടിക ഇയ്യാനി ശ്രീ ഭഗവതി ക്ഷേത്രത്തിൽ പ്രതിഷ്ഠാദിനാചരണവും മഹോത്സവത്തോടുമനുബന്ധിച്ച് പൊങ്കാല നടത്തി.
രാവിലെ മഹാഗണപതി ഹോമം, പൊങ്കാലയിടൽ, പൊങ്കാല സമർപ്പണം, വൈകീട്ട് ദീപാരാധന എന്നിവ നടന്നു. ക്ഷേത്രം മേൽശാന്തി എൻ.എസ് ജോഷി മുഖ്യകാർമ്മികനായി. ക്ഷേത്രം പ്രസിഡൻ്റ് ഇ.കെ സുരേഷ്, സെക്രട്ടറി സുരേഷ് ഇയ്യാനി, ട്രഷറർ ഇ.എൻ.ടി സ്നിതീഷ്, ജോ. സെക്രട്ടറി ഇ.എൻ പ്രദീപ്കുമാർ, രാജു ഇയ്യാനി, തിലകൻ ഞായക്കാട്ട് എന്നിവർ ചടങ്ങുകൾക്ക് നേതൃത്വം നൽകി.നിരവധി ഭക്തർ പൊങ്കാലയിടൽ ചടങ്ങിനെത്തിയിരുന്നു. ജനുവരി 16 ചൊവ്വാഴ്ച്ച വൈകീട്ട് ക്ഷേത്ര മഹോത്സവത്തിന് കൊടിയേറും.ജനുവരി 21നാണ് ഉത്സവം.ജനുവരി 22 ആറാട്ടോടെ ക്ഷേത്ര മഹോത്സവത്തിന് കൊടിയിറങ്ങും.