entenadu

കാലിക്കറ്റ് യൂണിവേഴ്സിറ്റി സെൻ്റർ വലപ്പാട് ഒന്നാം നില കെട്ടിടം ഉദ്ഘാടനം –

കാലിക്കറ്റ് യൂണിവേഴ്സിറ്റി സെൻ്റർ വലപ്പാട് ഒന്നാം നില കെട്ടിടം ഉദ്ഘാടനം ഉന്നതവിദ്യാഭ്യാസമന്ത്രി ഡോ. ആർ. ബിന്ദു നിർവ്വഹിച്ചു.കാലിക്കറ്റ് യൂണിവേഴ്സിറ്റി വിസി ഡോക്ടർ എം. കെ. ജയരാജൻ അധ്യക്ഷത…

ദേശീയ പാത നിർമാണം നടക്കുന്നിടത്ത് റോഡിലെ ചെളിയിൽ സ്കൂട്ടർ തെന്നിവീണ് ഗുരുതര പരിക്കേറ്റ് ചികിൽസയിലായിരുന്ന മധ്യവയസ്ക്കൻ മരിച്ചു വാടാനപ്പള്ളി : ദേശീയ പാത നിർമാണം നടക്കുന്നിടത്ത് റോഡിലെ ചെളിയിൽ സ്കൂട്ടർ തെന്നിവീണ് ഗുരുതര പരിക്കേറ്റ് ചികിൽസയിലായിരുന്ന മധ്യവയസ്ക്കൻ മരിച്ചു. വാടാനപ്പള്ളി മുൻ പഞ്ചായത്തംഗം ജുബൈരിയ മനാഫിന്റെ ഭർത്താവ് ഗണേശമംഗലം മേപ്രങ്ങാട്ട് ക്ഷേത്രത്തിന് വടക്ക് പുതിയ വീട്ടിൽ മനാഫ് (55) ആണ് മരിച്ചത്. കഴിഞ്ഞ മാസം 12ന് രാത്രി 8.20 ഓടെ വാടാനപ്പള്ളി പഴയ മത്സ്യ മാർക്കറ്റിന് കിഴക്ക് ഭാഗത്ത് വെച്ചായിരുന്നു അപകടം. തളിക്കുളം സെന്ററിലെ കുമാർ ലോട്ടറി കടയിലെ ജീവനക്കാരനായ മനാഫ് കടയടച്ച് കണ്ടശ്ശാംകടവിലെ മറ്റൊരു ലോട്ടറി കടയിലേക്ക് പോകുമ്പോഴായിരുന്നു അപകടം. സ്കൂട്ടർ തെന്നിവീണ് മനാഫിന്റെ വാരിയെല്ല് പൊട്ടിയിരുന്നു. തോളെല്ലിനുംകാലിനും പൊട്ടലേറ്റിരുന്നു. ആദ്യം തൃശൂരിലെ ആശുപത്രിയിൽ പ്രെവേശിച്ച മനാഫിന്റെ പരിക്ക് ഗുരുതരമായതോടെ എറണാകുളം ആസ്‌റ്റർ ആശുപത്രിയിലും എത്തിച്ച് ഓപ്പറേഷന് വിധേയമാക്കിയിരുന്നു. ഇതിനിടയിൽ ന്യൂമോണിയയും ബാധിച്ചു. വെള്ളിയാഴ്ച വൈകീട്ടായിരുന്നു മരണം. റോഡിലെ ചെളിയിൽ ആറോളം സ്കൂട്ടറുകൾ തെന്നിവീണ് അന്ന് മനാഫിനടക്കം അഞ്ചു പേർക്കാണ് പരിക്കേറ്റത്. തളിക്കുളം കാരം പറമ്പിൽ വീട്ടിൽ റിഫാസ് (35) ,ഭാര്യ റംസീന ( 28 ) മകൻ സയാൻ (6) എടമുട്ടം മന്ത്ര വീട്ടിൽ സജിൻ (34) എന്നിവർക്കാണ് പരിക്കേറ്റത്. ഇവരെ മൂന്ന് ആംബുലൻസുകളിലായി വിവിധ ആശുപതികളിൽ പ്രെവേശിപ്പിക്കുകയായിരുന്നു. ദേശീയ പാത നിർമാണം നടക്കുന്നിടത്ത് റോഡിൽ ചെളി പരന്നതാണ് അപകടത്തിന് വഴി തെളിയിച്ചതും ഒരു ജീവൻ നഷ്ടമായതും . സിബിൻ, മുബിൻ എന്നിവരാണ് മനാഫിന്റെ മക്കൾ. ഖബറടക്കം പിന്നീട്

*ലീഡർ കെ കരുണാകരൻ 106-ാം ജന്മിനവാർഷികാചരണം നടത്തി* പെരിങ്ങോട്ടുകര : താന്ന്യം മണ്ഡലം കോൺഗ്രസ്സ് കമ്മറ്റിയുടെ നേതൃത്വത്തിൽ മുൻ മുഖ്യമന്ത്രി ലീഡർ കെ. കരുണാകരന്റെ 106-ാം ജന്മദിന വാർഷികദിനാചരണം പെരിങ്ങോട്ടുകര നാലുംകൂടിയ സെന്ററിൽ നടത്തി പുഷ്പാർച്ചനയോടെ തുടങ്ങിയ ജന്മവാർഷിക ദിനാചരണ യോഗത്തിൽ മണ്ഡലം പ്രസിഡന്റ് എം.കെ. ചന്ദ്രൻ അധ്യക്ഷത വഹിച്ചു. നാട്ടി ക ബ്ലോക്ക് കോൺഗ്രസ് വൈസ് പ്രസിഡന്റും , ഗ്രാമപഞ്ചായത്ത് മെമ്പറുമായ ആന്റോ തൊറയൻ ജന്മവാർഷിക ദിനാചരണം ഉദ്ഘാടനം ചെയ്തു . രാമൻ നമ്പൂതിരി , സിദിഖ് കറപ്പം വീട്ടിൽ ,ഷിഹാബ് താന്ന്യം എന്നിവർ പ്രസംഗിച്ചു .ഉണ്ണികൃഷ്ണൻ മേനോത്തുപറമ്പിൽ , പ്രദീപ് .എം.എസ്. , രാജൻ , റിജു കണക്കന്തറ എന്നിവർ നേതൃത്വം നൽകി

*കുറവുകളിൽ നിന്നും* *പ്രതിഭയെ കണ്ടെത്താം* ഷൈജു അന്തിക്കാട് വാടാനപ്പള്ളി : വിജയിച്ചവരുടേത് മാത്രമല്ല ലോകം എന്ന പോലെ വിജയിക്കുന്നവരിൽ മാത്രമല്ല പ്രതിഭ എന്നും തോൽക്കുന്നവരുടെ തോൽവി സൂക്ഷ്മമായി പരിശോധിച്ചാൽ അവിടെയും ഒരു പ്രതിഭയെ കണ്ടെത്താമെന്നും പുന്നച്ചോട് യങ്ങ്മെൻസ് ലൈബ്രറി ആൻഡ് റീഡിങ് റൂമും തളിക്കുളം പത്താംകല്ല് സി.എം.എസ്.യു.പി സ്കൂൾ വിദ്യാരംഗം കലാസാഹിത്യവേദിയും സംയുക്തമായി സംഘടിപ്പിച്ച ബഷീർ സ്മൃതി സദസ് ഉദ്ഘാടനംനിർവഹിച്ചുകൊണ്ട് ചലച്ചിത്രസംവിധായകൻ ഷൈജു അന്തിക്കാട് സംസാരിച്ചു. വാർഡ് മെമ്പർ സുമന ജോഷി അധ്യക്ഷത വഹിച്ച ചടങ്ങിൽ നാടക-സിനിമാ സംവിധായകൻ ഐ.ഡി.രഞ്ജിത് ബഷീർ അനുസ്മരണവും, ഗ്രാമപഞ്ചായത്ത്‌ അംഗം വിനയപ്രസാദ്, യങ്ങ് മെൻസ് ലൈബ്രറി പ്രസിഡണ്ട് രാകേന്ദു സുമനൻ, പി.ടി.എ.പ്രസിഡണ്ട്‌ സുമിത, തളിക്കുളം പഞ്ചായത്ത്‌ ലൈബ്രറി നേതൃസമിതി കൺവീനർ രഞ്ജിത്ത് പരമേശ്വരൻ, പ്രഭജടീച്ചർ,സരിഗസുബാഷ്,ഫസൽമാസ്റ്റർ എന്നിവർ ആശംസകൾ അർപ്പിച്ചുകൊണ്ടും സംസാരിച്ചു. തളിക്കുളം സ്വദേശി മദനമോഹനന്റെ പുതിയ രണ്ടു നോവലുകൾ ലൈബ്രറിക്കും ഉദ്ഘാടകൻ ഷൈജു അന്തിക്കാടിനും സമ്മാനിച്ചു. സ്കൂൾ കുട്ടികൾ ബഷീർ കൃതികളുടെ ആസ്വാദനവും രംഗാവിഷ്കാരവും അവതരിപ്പിച്ചു.

ട്രാഫിക് സിഗ്നലിൽ റീത്ത് സമർപ്പിച്ച് യൂത്ത് കോൺഗ്രസ്. തൃപ്രയാർ – തൃപ്രയാർ ട്രാഫിക് സിഗ്നലിൽ അപകടം നിത്യ സംഭവമാകുമ്പോൾ അനങ്ങാത്ത പഞ്ചായത്തിന്റെ നിഷ്ക്രിയ ഭരണത്തിൽ പ്രതിഷേധിച്ച് യൂത്ത് കോൺഗ്രസ് നാട്ടിക മണ്ഡലം കമ്മിറ്റി തൃപ്രയാർ ട്രാഫിക് സിഗ്നലിൽ റീത്ത് സമർപ്പിച്ച് പ്രതിഷേധിച്ചു. നാട്ടിക ഗ്രാമ പഞ്ചായത്തിന്റെ കീഴിലുള്ള ട്രാഫിക് സിഗ്നൽ പ്രവർത്തിക്കാതെയും പ്രവർത്തിപ്പിക്കാതെയും പഞ്ചായത്തിൽ ലഭിക്കേണ്ട പരസ്യ വരുമാനം നഷ്ടപ്പെടുത്തിയും ഭരണം നടത്തുന്ന സിപിഎം പഞ്ചായത്ത് ഭരണസമിതി നാട്ടികക്കാർക്ക് അപമാനമായി മാറുകയാണ്. ഡിവൈഡറിൽ അപകടങ്ങൾ പതിവായിട്ടും ഡിവൈഡറിൽ അടയാളപ്പെടുത്തേണ്ട ലൈറ്റ് പ്രകാശിപ്പിക്കാതെയും മുന്നറിയിപ്പ് നൽകാനോ പഞ്ചായത്ത് തയ്യാറാകുന്നില്ല.ഈ ഭരണത്തിൽ നാട്ടികാക്കാർ ലജ്ജിക്കേണ്ട അവസ്ഥയാണെന്നും സമരം ചെയ്ത യൂത്ത് കോൺഗ്രസുകാർ പറഞ്ഞു. പ്രതിഷേധ സമരം നാട്ടിക ബ്ലോക്ക്‌ കോൺഗ്രസ്‌ വൈസ് പ്രസിഡന്റ്‌ എ എൻ സിദ്ധപ്രസാദ് ഉദ്ഘാടനം ചെയ്തു. യൂത്ത് കോൺഗ്രസ് മണ്ഡലം പ്രസിഡണ്ട് രാനീഷ് കെ രാമൻ അധ്യക്ഷത വഹിച്ചു. മാസങ്ങളായി സിഗ്നൽ ലൈറ്റ് കത്താതതിൽ പ്രതിഷേധിച്ചു കോൺഗ്രസ്സ് മണ്ഡലം പ്രസിഡന്റ്‌ പി എം സിദ്ദിഖ് റീത്ത് സമർപ്പിച്ചു.ബ്ലോക്ക്‌ കോൺഗ്രസ്‌ കമ്മിറ്റി ഭാരവാഹികളായ സി ജി അജിത് കുമാർ, പി കെ നന്ദനൻ, യൂത്ത് കോൺഗ്രസ് നിയോജകമണ്ഡലം വൈസ് പ്രസിഡന്റ് കിരൺ തോമസ്, കെഎസ്‌യു ജില്ലാ സെക്രട്ടറി എം വി വൈഭവ്, ആദർശ്,സന്ദീപ് മണികണ്ഠൻ,മുഹമ്മദ്‌ റസൽ, ബാബു പണക്കൽ, സ്‌കന്തരാജ് നാട്ടിക, മണികണ്ഠൻ സി കെ, മുഹമ്മദാലി കണിയാർക്കോട്, രഹന ബിനീഷ്,എന്നിവർ പ്രതിഷേധ സമരത്തിൽ പങ്കെടുത്തു.

സുരേഷ് ഗോപിക്ക് NDA മണ്ഡലം കമ്മിറ്റിയുടെ നേതൃത്വത്തിൽ ഊഷ്മളമായ വരവേൽപ്പ് നല്കി,, https://chat.whatsapp.com/HLGemWTrujsFqnQP9oBx6Y തിരഞ്ഞടുപ്പ് വിജയത്തിന് ശേഷം ആദ്യമായി നാട്ടികയിലെത്തിയ കേന്ദ്ര പെട്രോളിയം ,ടൂറിസം സഹമന്ത്രി സുരേഷ് ഗോപിക്ക് NDA മണ്ഡലം കമ്മിറ്റിയുടെ നേതൃത്വത്തിൽ ഊഷ്മളമായ വരവേൽപ്പ് നല്കി,, പഞ്ചവാദ്യത്തിൻ്റേയും, താലപ്പൊലിയുടേയും അകമ്പടിയോടെ, മഹിളാ മോർച്ച പ്രവർത്തകർ ആരതിയുഴിഞ്ഞാണ് സ്വീകരണ വേദിയായ നാട്ടിക SN ഹാളിലേക്ക് മന്ത്രിയെ ആനയിച്ചത്,, BJP മണ്ഡലം പ്രസിഡൻറ് E. P. ഹരീഷ് മാസ്റ്റർ അദ്ധ്യക്ഷത വഹിച്ച യോഗത്തിൽ SC മോർച്ച സംസ്ഥാന ജന.സെക്രട്ടറി P. K. ബാബു സ്വാഗതം പറഞ്ഞു. BJP ജില്ലാ പ്രസിഡൻറ് Adv. K. K. അനീഷ് കുമാർ, BDJS ജില്ലാ പ്രസിഡൻ്റ് അതുല്യഘോഷ്, BJP ജില്ലാ ജന:സെക്രട്ടറിമാരായ Adv. K. R. ഹരി, ജസ്റ്റിൻ ജേക്കബ്ബ്, നേതാക്കളായ ലോജനൻ അമ്പാട്ട്, പൂർണ്ണിമ സുരേഷ്, സർജ്ജു തൊയക്കാവ്, ഷൈൻ നെടിയിരുപ്പിൽ, A. K. ചന്ദ്രശേഖരൻ, ജോഷി ബ്ലാങ്ങാട്ട്, ഉണ്ണികൃഷ്ണൻ തഷ്ണാത്ത്, അക്ഷയ് കൃഷ്ണ, എന്നിവർ നേതൃത്വം നല്കി… സുരേഷ് ഗോപിക്ക് വേണ്ടി സോഷ്യൽ മീഡിയയിൽ പ്രചരണ ഗാനം പാടിയ നാട്ടിക സ്കൂളിലെ 6-ആം ക്ലാസ് വിദ്യാർത്ഥിനി സുൾ ഫത്തിനെ മന്ത്രി ഷാൾ അണിയിച്ച് ആദരിച്ചു… ഇരു മുന്നണികളടേയും ദുഷ്പ്രചരണങ്ങളെ തള്ളി കളഞ്ഞു തന്നെ തിരഞ്ഞെടുത്ത തൃശൂരിലെ ജനത, കേരളത്തിൻ്റെ പെരുമ ദൽഹിയിലെത്തിച്ചുവെന്നും, അതിന് നന്ദിയായി തൃശൂരിൻ്റെ വികസന പ്രവർത്തനങ്ങളിലും, സാധാരണക്കാരുടെ ജീവിത പ്രശ്നങ്ങളിലും ഒരു ജന പ്രതിനിധി എന്ന നിലയിലും മന്ത്രി എന്ന നിലയിലും പരമാവധി ഇടപെടുമെന്ന് സുരേഷ് ഗോപി ഉറപ്പ് നല്കി.. സുബീഷ് കൊന്നക്കൻ യോഗത്തിന് നന്ദി പറഞ്ഞു ….. BJP, BDJS മണ്ഡലം കമ്മറ്റികളുടേയും വിവിധ പഞ്ചായത്ത് കമ്മിറ്റികളുടേയും, BJP മോർച്ചാ കമ്മറ്റികളുടേയും നേതൃത്വത്തിലും, വിവിധ സാമുദായിക, സാമൂഹ്യ സംഘടനകളുടേയും, തൃപ്രയാർ – നാട്ടിക മർച്ചൻ്റ്സ് അസോസിയേഷൻ പ്രതിനിധികളും സുരേഷ് ഗോപിയെ സ്വീകരിച്ചു…

*കോൺഗ്രസ്‌ സമരം ഫലം കണ്ടു.. നാട്ടിക കുടുംബാരോഗ്യ കേന്ദ്രം ഇനി മുതൽ വൈകീട്ട് 6 മണി വരെ പ്രവർത്തിക്കും.* തൃപ്രയാർ – നാട്ടിക ഗ്രാമപഞ്ചായത്തിന്റെ കീഴിൽ പ്രവർത്തിക്കുന്ന കുടുംബാരോഗ്യ കേന്ദ്രം ഉച്ചയ്ക്ക് ഒരു മണി മുതൽ 6 മണി വരെ തുറന്ന് പ്രവർത്തിക്കണമെന്നിരിക്കെ സ്ഥിരമായി നാല് മണിക്ക് ഡോക്ടരും ജീവനക്കാരും അടച്ചു പൂട്ടി പോകുന്നതാണ് പതിവ്. നാല് മണിക്ക് ശേഷം വരുന്നു രോഗികൾക്ക് ആർക്കും ഡോക്ടറെ കാണനോ കുടുംബാരോഗ്യ കേന്ദ്രത്തിൽ പ്രവേശിക്കാനോ സാധിക്കാറില്ല.നാല് മണിക്ക് ശേഷം വരുന്ന രോഗികൾ പുറത്ത് സ്വകാര്യ ക്ലിനിക്കുകളിൽ വലിയ പണം നൽകി ചികിത്സ നേടുന്ന അവസ്ഥയമാണ് കാണുന്നത്.ആറു മണിവരെ പ്രവർത്തിക്കണമെന്ന സർക്കാർ ഉത്തരവ് നില നിൽക്കുമ്പോൾ നാല് മണിക്ക് പൂട്ടി പോകുന്നതിനെതിരെ കോൺഗ്രസ്‌ ജന പ്രതിനിധികൾ പഞ്ചായത്ത്‌ ഭരണാസമിതി യോഗത്തിൽ ജനങ്ങളുടെ പരാതി പലവട്ടം ഉന്നയിച്ചിരുന്നു. പരിഹാരം കാണാൻ പഞ്ചായത്ത്‌ അധികൃതർ തയ്യാറായില്ല. കുടുംബാരോഗ്യ കേന്ദ്രം നാല് മണിക്ക് അടച്ചു പൂട്ടുന്ന നേരത്ത് കോൺഗ്രസ്‌ നാട്ടിക മണ്ഡലം കമ്മിറ്റിയുടെ നേതൃത്വത്തിൽ കുത്തിയിരിപ്പ് സമരം ആരംഭിച്ചു. സമരം മണിക്കൂറുകൾ നീണ്ടപ്പോൾ മെഡിക്കൽ ഓഫീസറും ഡി എം ഒ യും സമരക്കാരുമായി സംസാരിക്കുകയും ഇനി മുതൽ 6 മണി വരെ ഡോക്ടറുടെ സേവനത്തോട് കൂടി കുടുംബാരോഗ്യ കേന്ദ്രം പ്രവർത്തിക്കുമെന്ന് സമർക്കാർക്ക് ഉറപ്പ് നൽകുകയും ചെയ്തു.തുടർന്ന് കുത്തിയിരിപ്പ് സമരം അവസാനിപ്പിച്ചു.കോൺഗ്രസ്‌ മണ്ഡലം പ്രസിഡന്റ്‌ പി എം സിദ്ദിഖ്, ഡിസിസി ജനറൽ സെക്രട്ടറിമാരായ അനിൽ പുളിക്കൽ, നൗഷാദ് ആറ്റുപറമ്പത്ത്, ബ്ലോക്ക്‌ കോൺഗ്രസ്‌ കമ്മിറ്റി ഭാരവഹികളായ പി കെ നന്ദനൻ, ടി വി ഷൈൻ,ഗ്രാമ പഞ്ചായത്ത്‌ മെമ്പർമാരായ ബിന്ദു പ്രദീപ്‌, കെ ആർ ദാസൻ, മധു അന്തിക്കാട്ട്, രഹന ബിനീഷ്, റാനിഷ് കെ രാമൻ, യു കെ കുട്ടൻ, അബു പി കെ. കൃഷ്ണകുമാർ എന്നിവർ കുത്തിയിരിപ്പ് സമരത്തിന് നേതൃത്വം നൽകി

*ശ്രീകുമാരൻ തമ്പി ഫൗണ്ടേഷൻ പുരസ്കാരം മോഹൻലാലിന്* ശ്രീകുമാരൻ തമ്പി ഫൗണ്ടേഷൻ പുരസ്ക്കാരം പ്രഖ്യാപിച്ചു. അഭിനയ മേഖലയിലെ മികവിന് നടൻ മോഹന്‍ലാലിനാണ് പുരസ്‍കാരം. ഒരു ലക്ഷം രൂപയും പ്രശസ്തിപത്രവും ശില്പവുമടങ്ങുന്നതാണ് പുരസ്കാരം.

തളിക്കുളം എസ്.എൻ.വി. യു. പി സ്കൂളിന്റെ വാർഷിക പൊതുയോഗം ബ്ലൂമിംഗ് ബഡ്സ് പ്രീ പ്രൈമറി വിദ്യാലയത്തിൽ നടന്നു തളിക്കുളം എസ്.എൻ.വി. യു. പി സ്കൂളിന്റെ വാർഷിക പൊതുയോഗം ബ്ലൂമിംഗ് ബഡ്സ് പ്രീ പ്രൈമറി വിദ്യാലയത്തിൽ നടന്നു. വാർഷിക പൊതുയോഗം സ്കൂൾ മാനേജർ ശ്രീ ഇ.എ സുഗതകുമാർ ഉദ്ഘാടനം ചെയ്തു. പി.ടി.എ പ്രസിഡന്റ് ശ്രീമതി. ശാന്തിനി ഷണ്മുഖൻ അധ്യക്ഷത വഹിച്ച യോഗത്തിൽ ഹെഡ്മിസ്ട്രസ് ശ്രീമതി പി.ബി സജിത സ്വാഗതമാശംസിച്ചു. വിദ്യാലയത്തിലെ പ്രതിഭാധനരായ കുട്ടികൾക്ക് പി.ടി.എ ഏർപ്പെടുത്തിയിട്ടുള്ള എൻഡോവ്മെന്റുകൾ സ്കൂൾ മാനേജർ ശ്രീ. ഇ. എ സുഗതകുമാർ വിതരണം ചെയ്തു . LSS, USS വിജയികൾക്കുള്ള പുരസ്കാരം മുൻ ഹെഡ്മിസ്ട്രസ് ശ്രീമതി എൻ. വി മിനി വിതരണം ചെയ്തു. മാതൃ സംഗമം പ്രസിഡന്റ് ശ്രീമതി റസിയ ഷൈൻ ബ്ലൂമിങ് ബഡ്സ് പ്രിൻസിപ്പൽ ശ്രീമതി ഇ. ആർ. അജിത തുടങ്ങിയവർ ആശംസകൾ അർപ്പിച്ച് സംസാരിച്ചു. വാർഷിക പൊതുയോഗത്തിൽ ശ്രീമതി കെ.കെ സോഫി നന്ദി രേഖപ്പെടുത്തി.

തൃശ്ശൂര്‍: രണ്ടരക്കിലോ എം.ഡി.എം.എ.യുമായി തൃശ്ശൂരില്‍ ഒരാള്‍ പിടിയില്‍. കണ്ണൂര്‍ പയ്യന്നൂര്‍ സ്വദേശി ഫാസിലിനെയാണ് . പോലീസ് പിടികൂടിയത്