തളിക്കുളം ഗ്രാമപഞ്ചായത്ത് പഞ്ചായത്തിലെ 16 വാർഡുകളിലെയും അംഗൻവാടികളിലേക്ക് TV വിതരണം ചെയ്തു. ഓൺലൈൻ പഠനവുമായി ബന്ധപ്പെട്ട് ബുദ്ധിമുട്ടുകൾ അനുഭവിക്കുന്ന വിദ്യാർത്ഥികൾക്ക് അംഗൻവാടികളിൽ ക്ലാസുകൾ നൽകുന്നതിന് വേണ്ടിയാണ് TV വിതരണം ചെയ്തത്. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത TV വിതരണോദ്ഘാടനം ചെയ്തു സംസാരിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം കെ ബാബു ചടങ്ങിൽ അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർമാന്മാരായ എ എം മെഹബൂബ്, ബുഷ്റ അബ്ദുൽ നാസർ, വാർഡ് മെമ്പർമാരായ ഷാജി ആലുങ്ങൽ, സിംഗ് വാലത്ത്, വിനയപ്രസാദ്, ഷിജി സി കെ, സന്ധ്യാ മനോഹരൻ, ജീജ രാധാകൃഷ്ണൻ, ഷൈജ കിഷോർ, ബിനു അറക്കൽ, പഞ്ചായത്ത് സെക്രട്ടറി സുധ ജെ, ICDS സൂപ്പർവൈസർ അൻസ എബ്രഹാം, അംഗൻവാടി ടീച്ചേർസ് എന്നിവർ ചടങ്ങിൽ പങ്കെടുത്തു.

തളിക്കുളം ഗ്രാമപഞ്ചായത്ത് ജാഗ്രത സമിതിയുടെ നേതൃത്വത്തിൽ സ്കൂളുകൾ തുറക്കുന്നതിനു മുൻപായി രക്ഷിതാക്കൾക്കും വിദ്യാർഥികൾക്കുമായി ബോധവൽക്കരണ ക്ലാസുകൾ നടത്തി. ഇന്നത്തെ കാലഘട്ടത്തിൽ സ്ത്രീകൾക്കും കുട്ടികൾക്കുമെതിരെ ശാരീരികമായ അതിക്രമങ്ങൾ വർധിച്ചുവരുന്ന സാഹചര്യത്തിൽ ഇത്തരത്തിലുള്ള അതിക്രമങ്ങൾക്കെതിരെ നമ്മുടെ കുട്ടികളെ പ്രതിരോധിക്കാൻ പ്രാപ്തരാക്കുക എന്ന ലക്ഷ്യത്തോടെ തളിക്കുളം ഗ്രാമപഞ്ചായത്ത് ആഭിമുഖ്യത്തിൽ തൃശ്ശൂർ വനിതാ സെൽ റൂറൽ പോലീസ് നയിക്കുന്ന സ്വയം പ്രതിരോധ പരിശീലനം പരിപാടിയാണ് സംഘടിപ്പിച്ചത്. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത ചടങ്ങ് ഉദ്ഘാടനം ചെയ്തു. വൈസ് പ്രസിഡണ്ട് പി കെ അനിത ചടങ്ങിന് അധ്യക്ഷത വഹിച്ചു. തൃശൂർ റൂറൽ പോലീസ് വനിതാ സെൽ എസ്. ഐ പി. വി സിന്ധു, ഓഫീസർമാരായ ഷാജമോൾ, സജിനി ദാസ് എന്നിവർ ക്ലാസിന് നേതൃത്വം നൽകി. സ്റ്റാൻഡിങ് കമ്മിറ്റി ചെയർമാന്മാരായ എ എം മെഹബൂബ്, ബുഷ്റ അബ്ദുൽ നാസർ, എം കെ ബാബു, വാർഡ് മെമ്പർമാരായ ഷാജി ആലുങ്ങൽ, വിനയ പ്രസാദ്, ഷിജി സി കെ, സന്ധ്യാ മനോഹരൻ, ജിജാ രാധാകൃഷ്ണൻ, സുമന ജോഷി, ഷൈജ കിഷോർ, ബിന്നി അറക്കൽ എന്നിവർ ആശംസകൾ അർപ്പിച്ച് സംസാരിച്ചു. തളിക്കുളം ഗ്രാമപഞ്ചായത്ത് ICDS സൂപ്പർവൈസർ അൻസ എബ്രഹാം ചടങ്ങിൽ സ്വാഗതവും ജാഗ്രത സമിതി കൗൺസിലർ അനീഷ നന്ദിയും പറഞ്ഞു.