entenadu

മലർവാടി ബാലോത്സവം. നടത്തി തളിക്കുളം:മലർവാടി തളിക്കുളം യൂണിറ്റിൻ്റെ നേതൃത്വത്തിൽ മലർവാടി ബാലോത്സവം അറബി കോളേജിൽ വെച്ച് നടന്നു. സമാപനയോഗം തളിക്കുളം ഗ്രാമപഞ്ചായത്ത് സ്പോർട്സ് കൗൺസിൽ മെമ്പർ ഷക്കീർ K.A.ഉദ്ഘാടനം നിർവഹിച്ചു. സാമൂഹ്യ പ്രതിബദ്ധത ഉയർത്തി തളിക്കുളം മലർവാടി കോർഡിനേറ്റർ അബ്ദുൾ ഗഫൂർ മുഖ്യപ്രഭാഷണം നടത്തി.ബാലോത്സവം സംഘാടകരായ.സാബിറ, ജമീല ഷൂക്കുർ, സലീന, ഷാനി എന്നിവർ പങ്ക്ടുത്തു. സംസാരിച്ചു.തളിക്കുളം യൂണിറ്റിലെ കൂട്ടുകാരുടെ സർഗാത്മക കഴിവും കലാകായിക രംഗത്തെ മികവും കൊണ്ട് ബാലോത്സവം മികവുറ്റതായി.

ആക്ട്സ് തൃപ്രയാർ ബ്രാഞ്ച് ജീവൻ രക്ഷാ ബോധവൽക്കരണ ക്ലാസ് നടത്തി

റോഡപകങ്ങളിൽ ഒരു ജീവൻ പോലും പൊലിയെരുത് എന്ന ലക്ഷ്യത്തോടെ തൃശ്ശൂർ ജില്ലയിൽ ബഹുമാനപ്പെട്ട ഫാദർ ഡേവിസ് ചിറമൽ തുടക്കം കുറിച്ച ആക്ട്സ് 2024 മെയ് 8 –…

കാർ മറിഞ്ഞ് നാലുപേർക്ക് പരിക്ക്

നാട്ടിക : തളിക്കുളം കൊപ്രക്കളത്തിന്.സമീപം ദേശീയ പാതയിലെ റോഡ് നിർമ്മാണത്തിനായുള്ള സാമഗ്രികളിലിടിച്ച് കാർമറിഞ്ഞ് നാലുപേർക്ക് പരിക്ക്. അഞ്ചങ്ങാടി കടപ്പുറം സ്വദേശികളായ ഷക്കീർ (26), മുഹമ്മദ് ജാസിം (22),…

വിജയിച്ച മുഴുവൻ വിദ്യാർത്ഥികൾക്കും പ്രവേശനം ലഭിക്കുന്നതിനു സർക്കാർ ആവിശ്യമായ നടപടി സ്വീകരിക്കണം- ടി എൻ പ്രതാപൻ എം പി.
തൃപ്രയാർ -SSLC-PLUS 2 പരീക്ഷകളിൽ വിജയിച്ച എല്ലാ വിദ്യാർത്ഥികൾക്കും പ്ലസ് 2 ഡിഗ്രീ ക്ലാസ്സുകളിൽ പ്രവേശനം ലഭിക്കുന്നതിന് ആവശ്യമായ നടപടി സർക്കാർ സ്വീകരിക്കണമെന്ന് കെപിസിസി വർക്കിങ് പ്രസിഡന്റ് ടി എൻ പ്രതാപൻ എംപി ആവശ്യപ്പെട്ടു. വിദ്യാലയങ്ങളിൽ പ്ലസ് വൺ -പ്ലസ് 2 ക്ലാസ്സുകളുടെ എണ്ണം വർധിപ്പിക്കണം. പ്ലസ് വണ്ണിനും -ഡിഗ്രിക്കും കൂടുതൽ വിദ്യാർത്ഥികൾക്ക് പ്രവേശനം ലഭിക്കുന്നതിനു സർക്കാർ അടിയന്തിര നടപടി സ്വീകരിക്കണം. പത്താം ക്ലാസും പ്ലസ് ടു പാസായ ഒരു വിദ്യാർത്ഥിയും ഒരു വിദ്യാലയങ്ങളിലും അഡ്മിഷൻ ലഭിക്കാതെ നിരാശപ്പെടുന്ന ഒരു സാഹചര്യവും ഉണ്ടാക്കരുതെന്നും, കുട്ടികളുടെ വിദ്യാഭ്യാസം സംരക്ഷിക്കാൻ സർക്കാരിന് ഉത്തരവാദിത്വം ഉണ്ടെന്നും ടി എൻ പ്രതാപൻ എംപി പറഞ്ഞു. ഇന്ത്യൻ നാഷണൽ കോൺഗ്രസ് നാട്ടിക മണ്ഡലം കമ്മിറ്റിയുടെ നേതൃത്വത്തിൽ നാട്ടിക പഞ്ചായത്തിലെ എസ്എസ്എൽസി -പ്ലസ് ടു -സിബിഎസ്ഇ പരീക്ഷകളിൽ ഫുൾ എ പ്ലസ് അടക്കം ഉന്നത വിജയം നേടിയ മുഴുവൻ വിദ്യാർഥികൾക്കും സ്വാതന്ത്ര്യസമരസേനാനിയും മുതിർന്ന കോൺഗ്രസ് നേതാവ് കൂടിയായിരുന്ന സി കെ ജി വൈദ്യർ സ്മാര വിദ്യാഭ്യാസ പുരസ്കാര ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു കെപിസിസി വർക്കിംഗ് പ്രസിഡണ്ട് ടി എൻ പ്രതാപൻ എം പി. കെപിസിസി മീഡിയ സെൽ സ്റ്റേറ്റ് ചെയർമാൻ ഡോക്ടർ പി സരിൻ IAAS വിദ്യാർഥികൾക്കുള്ള പുരസ്കാരങ്ങൾ വിതരണം ചെയ്തു. കോൺഗ്രസ് നാട്ടിക മണ്ഡലം പ്രസിഡന്റ് പി എം സിദ്ദിഖ് അധ്യക്ഷത വഹിച്ചു. ഡിസിസി ജനറൽ സെക്രട്ടറി നൗഷാദ് ആറ്റുപറമ്പത്ത് മുഖ്യപ്രഭാഷണം നടത്തി, ഡിസിസി ജനറൽ സെക്രട്ടറി വി ആര്‍ വിജയന്‍, സുനിൽ ലാലൂർ, മഹിളാ കോൺഗ്രസ് ബ്ലോക്ക് പ്രസിഡണ്ട് പി വിനു, ബ്ലോക്ക് കോൺഗ്രസ് കമ്മിറ്റി ഭാരവാഹികളായ, എ എൻ സിദ്ധപ്രസാദ്,സി ജി അജിത് കുമാർ,വി ഡി സന്ദീപ്, സി എസ് മണികണ്ഠൻ, മധു അന്തിക്കാട്ട്എന്നിവർ സംസാരിച്ചു.ടിവി ഷൈൻ, മത്സ്യത്തൊഴിലാളി കോൺഗ്രസ് ജില്ലാ സെക്രട്ടറി പിസി ജയപാലൻ, ബാബു പനക്കൽ,യൂത്ത് കോൺഗ്രസ്‌ നാട്ടിക മണ്ഡലം പ്രസിഡന്റ്‌ രാനീഷ് കെ രാമൻ,കെഎസ്‌യു ജില്ലാ സെക്രട്ടറി എം പി വൈഭവ്, മഹിളാ കോൺഗ്രസ് മണ്ഡലം പ്രസിഡണ്ട് റീന പത്മനാഭൻ, ജില്ലാ സെക്രട്ടറി രഹന ബിനീഷ്,നാട്ടിക ഗ്രാമ പഞ്ചായത്ത് മെമ്പർ കെ ആർ ദാസൻ, കെ വി സുകുമാരൻ,പി വി സഹദേവൻ,യൂ ബി മണികണ്ഠൻ,പി എം സുബ്രഹ്മണ്യൻ,എ എസ് പത്മപ്രഭ, കൃഷ്ണകുമാർ എരണത്ത് വെങ്ങാലി എന്നിവർ പങ്കെടുത്തു. എസ്എസ്എൽസി പരീക്ഷയിൽ 100% വിജയം നേടിയ നാട്ടിക ഫിഷറീസ് ഗവണ്മെന്റ് സ്കൂൾ, നാട്ടിക എസ് എൻ ട്രസ്റ്റ് സ്കൂളുകളെ ചടങ്ങിൽ പുരസ്‌കാരം നൽകി ടി എൻ പ്രതാപൻ എം പി അനുമോദിച്ചു.

നാട്ടികയിലെ റോഡുകളെല്ലാം കുളമായി
വലവീശി കോൺഗ്രസ് സമരം.

തൃപ്രയാർ- കഴിഞ്ഞ ദിവസത്തെ മഴയിൽ നാട്ടികയിലെ റോഡുകളിലെല്ലാം വെള്ളം നിറഞ്ഞ് റോഡുകൾ കുളം ആക്കിയ നാട്ടിക പഞ്ചായത്തിന്റെ അനാസ്ഥയ്ക്കെതിരെ കോൺഗ്രസ് നാട്ടിക മണ്ഡലം കമ്മിറ്റി നാട്ടിക ബീച്ച്…

*യുവതിയും മകളും മരിച്ച സംഭവത്തിൽ ഭർതൃ സഹോദരനും മാതാവും അറസ്റ്റിൽ.* അന്തിക്കാട്: യുവതിയേയും ഒന്നര വയസ്സായ മകളേയും പാലാഴി വിനസ്ക്ലബിനുസമീപം ചകിരികുഴിയിൽ മരിച്ച നിലയിൽ കണ്ടെത്തിയ സംഭവത്തിൽ ഭർതൃസഹോദരനും അമ്മയും അറസ്റ്റിലായി. അന്തിക്കാട് കല്ലിട വഴി കിഴക്ക് ചോണാട്ട് അനിത (57), മകൻ അഷിൽ (30) എന്നിവരെയാണ് അന്തിക്കാട് പോലീസ് അറസ്റ്റ് ചെയ്തത്. ചൊവ്വാഴ്ച്ച രാവിലെ അന്തിക്കാട് സിഐ വി.എസ്.വിനീഷിൻ്റെ നേതൃത്വത്തിൽ വീട്ടിൽ നിന്ന് അറസ്റ്റ് ചെയ്ത ഇരുവരെയും കോടതി റിമാൻ്റ് ചെയ്തു. അന്തിക്കാട്ചോണാട്ടിൽ അഖിലിൻ്റെ ഭാര്യ കൃഷ്ണപ്രിയ (24) മകൾ പൂജിത (ഒന്നര) എന്നിവരെയാണ് ഏപ്രിൽ 30 ന് രാവിലെ മണലൂരിലെ പാലാഴി വിനസ്ക്ലബിനുസമീപം ചകിരികുഴയിൽ മരിച്ച നിലയിൽ കണ്ടെത്തിയത്. ചെളിയിൽ പുതഞ്ഞ നിലയിലാണ് ഇരുവരുടേയും മൃതദേഹങ്ങൾ. കാഞ്ഞാണി ആനക്കാട് കുന്നത്തുള്ളി പദ്മനാഭൻ്റെയും ഷൈലജയുടെയും മകളാണ് മരിച്ച കൃഷ്ണപ്രിയ. ഏപ്രിൽ 29 ന് പകൽ 2 മുതലാണ് യുവതിയേയും കുഞ്ഞിനേയും കാണാതായത്. ഭർത്താവിൻ്റെ ഫോൺ വന്നതിനെ തുടർന്ന് കാഞ്ഞാണി ആനക്കാടുള്ള വീട്ടിൽ നിന്നും അന്തിക്കാട് കല്ലിടവഴിയിലുള്ള ഭർത്താവിൻ്റെ വീട്ടിലേക്കെന്ന് പറഞ്ഞ് ഇറങ്ങിയ യുവതിയും കുഞ്ഞും രാത്രിയായിട്ടും വീട്ടിൽ എത്താത്തതിനെ തുടർന്ന് ഭർത്താവ് അഖിൽ അന്തിക്കാട് പോലീസിൽ പരാതി നൽകുകയായിരുന്നു. തുടന്ന് അന്വേഷണം നടത്തുന്നതിനിടെ ഇരുവരുടേയും മൃതദേഹങ്ങൾ കണ്ടെത്തിയത്. കാഞ്ഞാണിയിലെ മെഡിക്കൽ ഷോപ്പിലെ ജീവനക്കാരിയായ യുവതിയുടെ മരണത്തെ കുറിച്ച് അന്തിക്കാട് എസ്എച്ച്ഒ നടത്തിയ തുടർ അന്വേഷണത്തിലാണ് ഐപിസി 306 വകുപ്പ് പ്രകാരം ആത്മഹത്യ പ്രേരണ കുറ്റത്തിന് ഇരുവരും അറസ്റ്റിലായത്.

തളിക്കുളം മണ്ഡലം കോൺഗ്രസ് കമ്മിറ്റി രാജീവ് ഗാന്ധി രക്തസാക്ഷിത്വ ദിനം ആചരിച്ചു. രാജ്യത്തെ സ്വപ്നം കാണാൻ പഠിപ്പിച്ച,ആധുനിക ഭാരതത്തിൻ്റെ ശിൽപിയാണ് രാജീവ് ഗാന്ധിയെന്ന് യൂത്ത് കോൺഗ്രസ്സ് സംസ്ഥാന സെക്രട്ടറി എ എ മുഹമ്മദ്‌ ഹാഷിം രാജ്യത്തിൻ്റെ ഐക്യത്തിനും അഖണ്ഡതക്കും ജീവൻ നൽകിയ ധീരനായ ജനനേതാവിൻ്റെ ഓർമ്മകൾ എല്ലാ കാലത്തും നിലനിൽക്കുമെന്നും രാജ്യത്തിൻ്റെ കെട്ടുറപ്പിനായി ജനങ്ങൾക്ക് ഊർജ്ജം പകരുമെന്നും മുഹമ്മദ്‌ ഹാഷിം പറഞ്ഞു തളിക്കുളം മണ്ഡലം കോൺഗ്രസ്സ് കമ്മിറ്റി നടത്തിയ രാജീവ്‌ ഗാന്ധി അനുസ്മരണ പരിപാടി ഉത്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം കോൺഗ്രസ്സ് ഹൗസിൽ നടന്ന പുഷ്പാർച്ചനയിലും അനുസ്മരണ പരിപാടിയിലും തളിക്കുളം മണ്ഡലം കോൺഗ്രസ്സ് കമ്മിറ്റി പ്രസിഡൻ്റ് പി.എസ്. സുൽഫീക്കർ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ ലിൻ്റ സുഭാഷ് ചന്ദ്രൻ, ഗ്രാമപഞ്ചായത്ത് മെമ്പർ ജീജ രാധാകൃഷ്ണൻ,മഹിള കോൺഗ്രസ്സ് മണ്ഡലം പ്രസിഡൻ്റ് നീതു പ്രേംലാൽ, എൻ.മദനമോഹനൻ,സീനത്ത് ഷെക്കീർ,സിമി അനോഷ് തുടങ്ങിയവർ സംസാരിച്ചു.

എസ് എസ് എൽ സി -പ്ലസ്സ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് പുരസ്‌കാരം നൽകി അനുമോദിച്ചു.

തൃപ്രയാർ – 2023-24 എസ് എസ് എൽ സി -പ്ലസ് 2 പരീക്ഷകളിൽ ഉന്നത വിജയം നേടിയ വിദ്യാർത്ഥികളെ നാട്ടിക ടാഗോർ കലാവേദിയുടെ ആഭിമുഖ്യത്തിൽ പുരസ്‌കാരങ്ങൾ നൽകി…

അവധികാല വോളിബോൾ തൃപ്രയാർ :ഏപ്രിൽ 1 മുതൽ മെയ്‌ 15വരെ ടി എസ് ജി എ ഇൻഡോർ സ്റ്റേഡിയത്തിൽ നടത്തിയ അവധികാല വോളിബോൾ പരിശീലന ക്യാമ്പിൽ പങ്കെടുത്ത കുട്ടികൾക്ക് സർട്ടിഫിക്കറ്റും ജേഴ്സിയും t s g a. ചെയർമാൻ ടി എൻ പ്രതാപൻ എംപി വിതരണം ചെയ്തു. സൗജന്യമായി നടത്തിയ ക്യാമ്പിൽ 57 ആൺകുട്ടികളും 24 പെൺകുട്ടികളും പങ്കെടുത്തു. പി.സി. രവി മുഖ്യ പരിശീലകനായിരുന്നു. വൈസ് ചെയർമാൻ പി.കെ സുഭാഷ് ചന്ദ്രൻ അധ്യക്ഷത വഹിച്ചു. ജനറൽ സെക്രട്ടറി സി. ജി അജിത് കുമാർ സ്വാഗതം പറഞ്ഞു. ഭാരവാഹികളായ ടി. യു സുഭാഷ് ചന്ദ്രൻ, ടി. എം നൗഷാദ്, ടി. ആർ ദില്ലി രത്നം, എം. സി സക്കീർ ഹുസൈൻ, സി. കെ പാറൻ കുട്ടി, എൻ. ആർ. സുഭാഷ്, എ. എസ് രാജേഷ്, വോളിബോൾ താരം ഷിറാസ് അബ്ദുൾ റഹ്മാൻ എന്നിവർ പ്രസംഗിച്ചു.

ട്രേഡ് & സര്‍വ്വീസ് ഗ്രൂപ്പ് നാലാം വാര്‍ഷികം ആഘോഷിച്ചു 1460 ദിവസങ്ങള്‍ പിന്നിടുമ്പോള്‍ ട്രേഡ് & സര്‍വ്വീസ് ഗ്രൂപ്പ് തൃശൂര്‍ ജില്ലയിലെ 25 പഞ്ചായത്തുകളില്‍ വ്യാപിച്ചിരിക്കുന്നു. 106 പേര്‍ക്ക് ഗ്രൂപ്പിലൂടെ രക്തദാതാക്കളെ കണ്ടെത്താന്‍ കഴിഞ്ഞു. തൊഴില്‍ അന്വേഷകരായ 15,000 പേര്‍ക്ക് ജോലി നേടിക്കൊടുക്കാന്‍ ഇതിനോടകം സാധിച്ചു. ഉറ്റവരെയും വിലപ്പെട്ട വസ്തുക്കളും നഷ്ടപ്പെട്ട 419 അറിയിപ്പുകളില്‍ ഏറിയഭാഗവും തിരിച്ചുകിട്ടാനായി അതിജീവനത്തിന്‍റെ പാതയില്‍ നമ്മുടെ മനുഷ്യസഹജമായ ദൈനംദിന ആവശ്യങ്ങള്‍ അറിയിക്കാനൊപ്പം നിന്ന നിസ്വാര്‍ത്ഥ സേവനകൂട്ടായ്മയുടെ നാലാമത് വാര്‍ഷികം ആഘോഷിച്ചു. തൃപ്രയാര്‍ എസ്.എന്‍.ഡി.പി. നാട്ടിക യൂണിയന്‍ ഹാളില്‍ നടന്ന യോഗത്തില്‍ പബ്ലിസിറ്റി കണ്‍വീനറും, താന്ന്യം ഗ്രൂപ്പ് അഡ്മിനുമായ സന്തോഷ് കോലോത്ത് അധ്യക്ഷത വഹിച്ചു. ഗ്രൂപ്പ് ക്രിയേറ്റര്‍ സുഖില്‍ദാസ് വാര്‍ഷികാഘോഷം ഉദ്ഘാടനം ചെയ്തു. തുടര്‍ന്ന് വിവിധ പഞ്ചായത്ത്, കോര്‍പ്പറേഷന്‍, മുനിസിപ്പാലിറ്റി ഗ്രൂപ്പ് അഡ്മിന്‍മാരെ സുഖില്‍ദാസ് മൊമെന്‍റോ നല്‍കി ആദരിച്ചു. ഗിഫ്റ്റ്, മെമെന്‍റോ, സ്പോണ്‍സര്‍ എന്നിവ നല്‍കിയ മിയ കണ്‍വെന്‍ഷന്‍ സെന്‍റര്‍, സാന്ദ്രാസ് ട്രസ്റ്റ് എന്നിവരോടുള്ള കൃതജ്ഞത യോഗത്തില്‍ പ്രത്യേകം അറിയിച്ചു. യോഗത്തില്‍ ഷാനി സുഖില്‍ദാസ്, ജാബിര്‍, ഗിരീഷ്, ഫസീല, നൗഷാദ് എന്നിവര്‍ സംസാരിച്ചു. പ്രോഗ്രാം കോഡിനേറ്ററും വലപ്പാട് അഡ്മിനുമായ സജിന്‍ സാന്ദ്ര സ്വാഗതം ആശംസിച്ചു. എം എസ് സജീഷ് നന്ദിയും പ്രകാശിപ്പിച്ചു.