ഗ്രാമ വാർത്ത.

തളിക്കുളം ഗ്രാമപഞ്ചായത്ത്. ജനകീയാസൂത്രണ പദ്ധതി പ്രകാരം ശുഭാപ്തി പദ്ധതിയുടെ കീഴിൽ ഭിന്നശേഷിക്കാർക്കുള്ള സഹായ ഉപകരണങ്ങൾ വിതരണം ചെയ്തു. തളിക്കുളം ഗ്രാമപഞ്ചായത്ത് 2023 – 24 ജനകീയാസൂത്രണ പദ്ധതി പ്രകാരം ശുഭാപ്തി പദ്ധതിയുടെ കീഴിൽ ഭിന്നശേഷിക്കാർക്കുള്ള സഹായ ഉപകരണങ്ങൾ വിതരണം ചെയ്തു. തളിക്കുളം ബ്ലോക്ക് പഞ്ചായത്ത് പ്രസിഡണ്ട് കെ സി പ്രസാദ് ചടങ്ങ് ഉദ്ഘാടനം ചെയ്തു. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത ചടങ്ങിൽ അധ്യക്ഷത വഹിച്ചു. 2,50000 രൂപ പദ്ധതിവിഹിതം ഉപയോഗിച്ച് 27 ഗുണഭോക്താക്കൾക്കായി കമോട് ചെയർ, വീൽ ചെയർ, സ്പോർട്സ് വീൽചെയർ, ലേണിംഗ് കിറ്റ്, പെടൽ എക്സസൈസർ, പ്രത്യേക ചെരുപ്പുകൾ, ഓർത്തോ ഉപകരണങ്ങൾ, കേൾവി സഹായി എന്നീ ഉപകരണങ്ങളാണ് വിതരണം ചെയ്തത്. തളിക്കുളം ഗ്രാമപഞ്ചായത്ത് വൈസ് പ്രസിഡണ്ട് പി. കെ അനിത ടീച്ചർ, സ്റ്റാൻഡിങ് കമ്മിറ്റി ചെയർമാൻമാരായ എം കെ ബാബു, ബുഷറ അബ്ദുൽ നാസർ, ബ്ലോക്ക് പഞ്ചായത്ത് മെമ്പർ കല ടീച്ചർ, വാർഡ് മെമ്പർമാരായ സിംഗ് വാലത്ത്, സന്ധ്യാ മനോഹരൻ, സുമന ജോഷി, തളിക്കുളം കുടുംബാരോഗ്യ കേന്ദ്രത്തിലെ മെഡിക്കൽ ഓഫീസർ ഡോക്ടർ സഫീർ, ഡോക്ടർ അജയ് രാജ്, ഹെൽത്ത് ഇൻസ്പെക്ടർ മുഹമ്മദ് മുജീബ്, ജാഗ്രത സമിതി ഫെസിലിറ്റേറ്റർ അനീഷ. കെ. എസ് എന്നിവർ ആശംസകൾ അർപ്പിച്ചു സംസാരിച്ചു. ഐ. സി. ഡി. എസ് സൂപ്പർവൈസറും നിർവഹണ ഉദ്യോഗസ്ഥയുമായ സിനി. കെ. എസ് പദ്ധതി വിശദീകരണം നടത്തി. നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റിഹാബിലിറ്റേഷൻ സെന്ററിലെ ഓഡിയോളജിസ്റ്റ് നീതു, ബ്രിങ്കന, സോഷ്യൽ വർക്കർമാരായ ശ്രീജിത്ത്, ജോജോ എന്നിവർ വിതരണത്തിന് നേതൃത്വം നൽകി. അംഗനവാടി അധ്യാപകർ, ആരോഗ്യ പ്രവർത്തകർ, ആശാ പ്രവർത്തകർ എന്നിവർ പരിപാടിയിൽ പങ്കെടുത്തു.

Read More »

10- മത് അന്താരാഷ്ട്ര യോഗ ദിനാചരണത്തോടനുബന്ധിച്ച് തളിക്കുളം ഗ്രാമപഞ്ചായത്ത് യോഗ പരിശീലന ക്ലാസ് സംഘടിപ്പിച്ചു. തളിക്കുളം ഗ്രാമപഞ്ചായത്തിന്റെയും, തളിക്കുളം ഗവ. ആയുർവേദ ഡിസ്പെൻസറി ആയുഷ് ഹെൽത്ത് & വെൽന സെന്ററിന്റെയും , തളിക്കുളം വനിത ഫിറ്റ്നസ് സെന്ററിന്റെയും സംയുക്താഭിമുഖ്യത്തിൽ സംഘടിപ്പിച്ച പരിപാടി തളിക്കുളം ബ്ലോക്ക് പഞ്ചായത്ത് പ്രസിഡണ്ട് കെ സി പ്രസാദ് ഉദ്ഘാടനം നിർവഹിച്ചു. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത ചടങ്ങിൽ അധ്യക്ഷത വഹിച്ചു. ശാരീരികവും മാനസികവുമായ സമത്വം നേടുക എന്നതാണ് യോഗയുടെ പ്രധാന ലക്ഷ്യം. ഇതുമൂലം ആരോഗ്യവും നല്ല നിലവാരവുമുഉള്ള ഒരു സമൂഹത്തെ കെട്ടിപ്പടുക്കാൻ യോഗ സഹായിക്കുന്നു. തളിക്കുളം വനിതാ ഫിറ്റ്നസ് സെന്ററിന്റെ നേതൃത്വത്തിൽ യോഗ ഡാൻസ് അവതരിപ്പിച്ചു. തളിക്കുളം ഗവൺമെന്റ് ആയുർവേദ മെഡിക്കൽ ഓഫീസർ ഡോക്ടർ സുമയ്യ യോഗയുടെ പ്രാധാന്യത്തെക്കുറിച്ച് സംസാരിച്ചു. തളിക്കുളം ഗ്രാമപഞ്ചായത്ത് വൈസ് പ്രസിഡണ്ട് പി കെ അനിത ടീച്ചർ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ബുഷറ അബ്ദുൽ നാസർ, തളിക്കുളം ബ്ലോക്ക് പഞ്ചായത്ത് മെമ്പർ കല ടീച്ചർ, വാർഡ് മെമ്പർ വിനയ പ്രസാദ്, ഹോമിയോപ്പതി മെഡിക്കൽ ഓഫീസർ ഡോക്ടർ കിരൺ, സീനിയർ ഇന്റേൺഷിപ് ഡോക്ടർ സൂര്യ എന്നിവർ ആശംസകൾ അർപ്പിച്ചു സംസാരിച്ചു. തളിക്കുളം പഞ്ചായത്ത് ഫിറ്റ്നസ് ട്രെയ്നർ അനിത ഇഖ്ബാൽ യോഗ പരിശീലന ക്ലാസിന് നേതൃത്വം നൽകി. തളിക്കുളം ഗവൺമെന്റ് ആയുർവേദ ഡിസ്പെൻസറി ഫാർമസിസ്റ്റ് അയന, ഹോമിയോ ഡിസ്പെൻസറി ഫാർമസിസ്റ്റ് രനിത, മൾട്ടിപർപ്പസ് ഹെൽത്ത് വർക്കർ സുനിഷ, PTS ഡിക്സൺ, ഫിറ്റ്നസ് സെന്റർ, യോഗ ക്ലാസുകളിലെ വിദ്യാർത്ഥികൾ എന്നിവരും പരിപാടിയിൽ പങ്കെടുത്തു.

Read More »

കെ വി പീതാംബരന്റെ നാലാം ചരമ വാർഷിക ദിനം ആചരിച്ചു.

നാട്ടിക: മണപ്പുറത്തെ പൊതുജീവിതത്തിൽ അര നൂറ്റാണ്ട് കാലം നിറസാന്നിധ്യമായിരുന്ന കെ വി പീതാംബരന്റെ നാലാം ചരമ വാർഷിക ദിനം ആചരിച്ചു. രാവിലെ സ്മൃതി മണ്ഡപത്തിലും നാട്ടിക ഏരിയയിലെ…

Read More »

തളിക്കുളം ഗ്രാമപഞ്ചായത്ത് വിളർച്ച ബാധിച്ച സ്ത്രീകൾക്കും കൗമാരക്കാരായ പെൺകുട്ടികൾക്കുമുള്ള പോഷകാഹാര കിറ്റ് വിതരണം നടത്തി. https://chat.whatsapp.com/Ep76Hhq1NUh9LcDaGxOSEW തളിക്കുളം ഗ്രാമപഞ്ചായത്ത് 2023-24 ജനകീയാസൂത്രണ പദ്ധതി പ്രകാരം വിളർച്ച ബാധിച്ച സ്ത്രീകൾക്കും കൗമാരക്കാരായ പെൺകുട്ടികൾക്കുമുള്ള പോഷകാഹാര കിറ്റ് വിതരണം നടത്തി. “ആരോഗ്യമുള്ള ഭാവിക്ക്… ആരോഗ്യമുള്ള വനിത…” എന്ന ലക്ഷ്യം വെച്ചുകൊണ്ട് തളിക്കുളം പഞ്ചായത്തിലെ സ്ത്രീകളിൽ അനീമിയ ( HB – Hemoglobin) ടെസ്റ്റ് നടത്തി HB LEVEL 10 പോയിന്റിൽ കുറവുള്ള 300 സ്ത്രീകൾക്കാണ് പോഷകാഹാര കിറ്റ് വിതരണം ചെയ്യുന്നത്. അണ്ടിപ്പരിപ്പ്, ബദാം പരിപ്പ്, ഉണക്ക മുന്തിരി, ഈന്തപ്പഴം, അയേൺ ടാബ്ലറ്റ് എന്നിവ അടങ്ങിയ കിറ്റാണ് ഓരോരുത്തർക്കും വിതരണം ചെയ്തത്. പോഷകാഹാരകുറവ് മൂലം സ്ത്രീകൾക്ക് ഉണ്ടാകുന്ന വിളർച്ച ഇല്ലാതാക്കി ഊർജസ്വലരായ വനിതകളെ വാർത്തെടുക്കുക എന്നതാണ് പദ്ധതിയുടെ ലക്ഷ്യം. വിളർച്ച ബാധിച്ച പട്ടികജാതി വനിതകൾക്കായി 1,50000/- രൂപയും, കൗമാരക്കാരായ പെൺകുട്ടികൾക്കും വനിതകൾക്കുമായി 1,50000/- രൂപയും വിളർച്ച ( HB – ഹീമോഗ്ലോബിന്റെ അളവ് ) കണ്ടെത്തുന്നതിന് പരിശോധനക്കായി 1,00000/- രൂപയുമാണ് പദ്ധതിയിൽ ഉൾപ്പെടുത്തിയിട്ടുള്ളത്. കിറ്റ് വിതരണം നടത്തി ഒന്നര മാസത്തിന് ശേഷം ഗുണഭോക്താക്കളെ വീണ്ടും വിളർച്ച പരിശോധനക്ക് വിധേയരാക്കും. തളിക്കുളം ഗ്രാമപഞ്ചായത്ത് പ്രസിഡന്റ് പി ഐ സജിത അധ്യക്ഷത വഹിച്ച ചടങ്ങ് തൃശ്ശൂർ ജില്ലാ പഞ്ചായത്ത് വൈസ് പ്രസിഡന്റ് ലത ചന്ദ്രൻ ഉദ്ഘാടനം ചെയ്തു. തളിക്കുളം ഗ്രാമപഞ്ചായത്ത് വൈസ് പ്രസിഡണ്ട് പി. കെ അനിത ടീച്ചർ, സ്റ്റാൻഡിങ് കമ്മിറ്റി ചെയർമാൻമാരായ എം കെ ബാബു, ബുഷറ അബ്ദുൽ നാസർ, ബ്ലോക്ക് പഞ്ചായത്ത് മെമ്പർ കല ടീച്ചർ, വാർഡ് മെമ്പർമാരായ സിംഗ് വാലത്ത്, സന്ധ്യാ മനോഹരൻ, സുമന ജോഷി, തളിക്കുളം കുടുംബാരോഗ്യ കേന്ദ്രത്തിലെ മെഡിക്കൽ ഓഫീസർ ഡോക്ടർ സഫീർ, ഡോക്ടർ അജയ് രാജ്, ഹെൽത്ത് ഇൻസ്പെക്ടർ മുഹമ്മദ് മുജീബ്, ജാഗ്രത സമിതി ഫെസിലിറ്റേറ്റർ അനീഷ. കെ. എസ് എന്നിവർ ആശംസകൾ അർപ്പിച്ചു സംസാരിച്ചു. ഐ. സി. ഡി. എസ് സൂപ്പർവൈസറും നിർവഹണ ഉദ്യോഗസ്ഥയുമായ സിനി. കെ. എസ് പദ്ധതി വിശദീകരണം നടത്തി. അംഗനവാടി അധ്യാപകർ, ആരോഗ്യ പ്രവർത്തകർ, ആശാ പ്രവർത്തകർ എന്നിവർ വിതരണത്തിന് നേതൃത്വം നൽകി.

Read More »

ഭരണസമിതി ആകാശപാതകളിലൂടെയാണോ നടക്കുന്നത് കോൺഗ്രസ്

പെരിങ്ങോട്ടുകര : താന്ന്യം മണ്ഡലം കോൺഗ്രസ് കമ്മറ്റിയുടെ നേതൃത്വത്തിൽ പഞ്ചായത്തിലെ തകർന്നു കിടക്കുന്ന റോഡുകൾ സഞ്ചാര്യയോഗ്യമാക്കുക , പൊതു കാനകൾ വൃത്തിയാക്കി വെള്ളക്കെട്ട് ഒഴിവാക്കുക , സ്ട്രീറ്റ്…

Read More »

*തീരദേശത്തെ സ്കൂൾ, കോളേജ് വിദ്യാർത്ഥികൾക്ക് കഞ്ചാവും ലഹരിവസ്തുക്കളും വില്പന: രണ്ടുപേർ അറസ്റ്റിൽ.* തൃപ്രയാർ: തീരദേശം കേന്ദ്രീകരിച്ച് സ്കൂൾ, കോളേജ് വിദ്യാർത്ഥികൾക്കിടയിൽ കഞ്ചാവും ലഹരിവസ്തുക്കളും വില്പന നടത്തുന്ന സംഘത്തിലെ രണ്ടുപേർ എക്സൈസിൻ്റെ പിടിയിലായി. പാലപ്പെട്ടി അറക്കൽ വീട്ടിൽ എഡ് വിൻ (19), പാലപ്പെട്ടി എടശ്ശേരി വീട്ടിൽ ശ്രീഹർശൻ (20) എന്നിവരാണ് വാടാനപ്പള്ളി എക്സൈസ് സംഘത്തിന്റെ പിടിയിലായത്. ഇവരിൽനിന്ന് രണ്ട് കിലോയിൽ അധികം കഞ്ചാവും അഞ്ചു മില്ലിഗ്രാം ഹാഷിഷ് ഓയിലും പിടികൂടി. സ്കൂൾ, കോളേജ് പരിസരങ്ങളിൽ വ്യാപകമാകുന്ന ലഹരി മാഫിയകളെ കണ്ടെത്തുന്നതിനും നിയന്ത്രിക്കുന്നതിന്റെ ഭാഗമായി വാടാനപ്പള്ളി എക്സൈസ് ഇൻസ്പെക്ടർ വി.ജി സുനിൽകുമാറിന്റെ നേതൃത്വത്തിൽ നടത്തിയ പരിശോധനയിലാണ് നാട്ടികയിലെ സ്വകാര്യ സ്വാശ്രയ കോളേജിലെ ബികോം വിദ്യാർത്ഥി കൂടിയായ എഡ്വിൻ പിടിയിലായത്. തുടർന്ന് നടത്തിയ ചോദ്യം ചെയ്യലിലാണ് വിദ്യാർത്ഥികൾക്കിടയിൽ വിൽപ്പന നടത്തുവാൻ സുഹൃത്തായ ഹർഷൻ്റെ വീട്ടിൽ സൂക്ഷിച്ചിരുന്ന കഞ്ചാവും ഹാഷിഷ് ഓയിലും കണ്ടെത്തിയത്. ഒറീസയിൽ നിന്നുമാണ് ഇവർ കഞ്ചാവ് കൊണ്ട് വന്നിരുന്നത്. മാസങ്ങളായി ഇവർ ലഹരി വിൽപ്പന നടത്തിയിരുന്നതായി പറയുന്നു. അന്വേഷണ സംഘത്തിൽ പ്രിവൻ്റീവ് ഓഫീസർമാരായ പി.കെ. സുധീരൻ, കെ.ആർ. ഹരിദാസ്, സിവിൽ എക്സൈസ് ഓഫീസർ എം.എസ്. നിഖിൽ, ഡ്രൈവർ വി. രാജേഷ് എന്നിവരുമുണ്ടായിരുന്നു.

Read More »

തളിക്കുളം കുടുംബരോഗ്യ കേന്ദ്രത്തിലേക്ക് കോൺഗ്രസ്സ് മാർച്ച്‌ നടത്തി

പകർച്ച വ്യാധി രോഗങ്ങൾ തടയിടുന്നതിന് വേണ്ട പ്രതിരോധ പ്രവർത്തനങ്ങളിൽ വീഴ്ച വരുത്തിയതിലും മാസങ്ങളായി കുടുംബാരോഗ്യ കേന്ദ്രത്തിൽ വെള്ളം ലഭ്യമാക്കാൻ നടപടി സ്വീകരിക്കാത്തത്തിലുംജീവൻ രക്ഷ മരുന്നുകളുടെ ലഭ്യത കുറവ്…

Read More »

*ആർദ്ര എം ആനന്ദിനെ ആദരിച്ചു* കാസർഗോഡ് നടന്ന സംസ്ഥാന കുടുംബ ശ്രീ കലോത്സവത്തിൽ കുച്ചുപ്പുടി, നാടോടി നൃത്തം മത്സരങ്ങളിൽ ഒന്നാം സ്ഥാനം നേടിയ ആർദ്ര എം ആനന്ദിനെ പഞ്ചായത്ത്‌ മെമ്പർ ജീജ രാധാകൃഷ്ണന്റെ നേതൃത്വത്തിൽ കുടുംബ ശ്രീ ഭാരവാഹികൾ വീട്ടിൽ പോയി ആദരിച്ചു തളികുളം പഞ്ചായത്ത് പതിമൂന്നാം വാർഡിൽ താമസിക്കുന്ന വിലാസിനിയുടേയും മംഗളാനന്ദന്റേയും മകളായ ആർദ്ര സ്കൂൾ യുവജനോത്സവ മത്സരങ്ങളിലടക്കം നിരവധി സമ്മാനങ്ങൾ നേടിയിട്ടുണ്ട് തൃശ്ശിവപേരൂർ കണ്ണനു കീഴിൽ നൃത്തം അഭ്യസിയ്ക്കുന്ന ആർദ്ര തൃശ്ശുർ ആത്മകലാപീഠത്തിലെ വിദ്യാർത്ഥിയും വാടാനപ്പിള്ളി സർഗ കലാവിദ്യാലയത്തിലെ നൃത്ത പരിശീലകയുമാണ്. ചടങ്ങിൽ സി ഡി എസ് മെമ്പർ ഷമീന മജീദ്, എ ഡി എസ് മെമ്പർമാരായ ജെസ്മി ജോഷി, വിജയ ലക്ഷ്മി ആപറമ്പത്ത്,കുടുംബശ്രീ ഭാരവാഹികളായ സിമി അനോഷ്, സീനത്ത് ഷക്കീർ, ഷഹന മിഥുൻ, നൗമ്യ എന്നിവർ സന്നിഹിതരായിരുന്നു.. https://chat.whatsapp.com/CoIlZoGjoRf0KxC9DL1wEG

Read More »

തൃപ്രയാർ: തൃപ്രയാർ മേഖല വെളുത്തേടത്ത് നായർ സർവ്വീസ് സൊസൈറ്റി 106 _ നമ്പർ തൃപ്രയാർ കരയോഗത്തിൻ്റെ 11 വാർഷികാ സമ്മേളനം രാധാകൃഷ്ണ ഹാളിൽ വെച്ച് നടന്നു .വെളുത്തേടത്ത് നായർ സർവ്വീസ് സൊസൈറ്റി സംസ്ഥാന പ്രസിഡണ്ട് രാജപ്പൻ നായർ ഉദ്ഘാടനം നിർവഹിച്ചു.കരയോഗം പ്രസിഡണ്ട് രാമചന്ദ്രൻ നായർ അദ്ധ്യക്ഷത വഹിച്ചു.തൃശൂർ ജില്ലാ ജനറൽ സെക്രട്ടറി സുബീഷ് സുകുമാരൻ മുഖ്യാതിഥിയായി .സ്ഥാപക നേതാവ് സുരേഷ് പഴം പള്ളത്ത് സംഘടന സന്ദേശം നൽകി.ഉപദേശക സമിതി ചെയർമാൻ നാരായണൻ നായർ വിദ്യാഭ്യാസ അവാർഡ് വിതരണം ചെയ്തു. തൃശുർ ജില്ലാ വനിതാ പ്രസിഡണ്ട് ഷിജിത മോഹനൻ പഠനോപകരണ വിതരണം നടത്തി. കരയോഗം സെക്രട്ടറി മണികണ്ഠൻ നായർ സ്വാഗതം പറഞ്ഞു. ജില്ലാ ട്രഷറർ നാരായണൻ നായർ, ജില്ലാ സെക്രട്ടറി വത്സല കുമാരി, കരയോഗം വനിത പ്രതിനിധി, തൃശുർ ജില്ലാ മെമ്പർ മോഹനൻ അന്തിക്കാട്, ഗോപൻ അന്തിക്കാട് എന്നിവർ പങ്കെടുത്തു. https://chat.whatsapp.com/Ep76Hhq1NUh9LcDaGxOSEW

Read More »

തളിക്കുളം ബ്ലോക്ക് പഞ്ചായത്ത് 2023-24 പദ്ധതി നിർവഹണത്തിൽ ജില്ലയിൽ ഒന്നാം സ്ഥാനവും സംസ്ഥാനത്ത് അഞ്ചാം സ്ഥാനവും കരസ്ഥമാക്കിയതിനെ തുടർന്ന് പദ്ധതി ആസൂത്രണത്തിലും നിർവഹണത്തിലും സഹകരിച്ച ആസൂത്രണസമിതി,എങ്ങണ്ടിയൂർ, വാടാനപ്പള്ളി, വലപ്പാട്, തളിക്കുളം, നാട്ടിക ഗ്രാമപഞ്ചായത്തുകൾ, ബ്ലോക്ക്‌ നിർവഹണ ഉദ്യോഗസ്ഥർ എന്നിവരെയും ആക്ടസ് തൃപ്രയാർ, വാടാനപ്പള്ളി പ്രവർത്തകരെയും ആദരിച്ചു. കൂടാതെ മികച്ച പ്രവർത്തനം കാഴ്ച വച്ച തളിക്കുളം ബ്ലോക്ക്, 5 ഗ്രാമപഞ്ചായത്തുകളിലെയും mgnregs ഉദ്യോഗസ്ഥരെയും, സർവീസിൽ നിന്നും വിരമിച്ച ഉദ്യോഗസ്ഥരെയും ആദരിച്ചു.sslc plus two മുഴുവൻ A+ ലഭിച്ച വിദ്യാർത്ഥികൾക്കുള്ള പുരസ്‌കാരവും ചടങ്ങിൽ നൽകി തളിക്കുളം ബ്ലോക്ക് ക്ഷേമകാര്യ സ്റ്റാൻഡിങ് കമ്മിറ്റി ചെയ്യർപേഴ്സൺ മല്ലിക ദേവൻ അധ്യക്ഷത വഹിച്ച ചടങ്ങ് ബ്ലോക്ക് പഞ്ചായത്ത്‌ പ്രസിഡന്റ്‌ ശ്രീ k c പ്രസാദ് ഉദ്ഘാടനം നിർവഹിച്ചു. ഗ്രാമപഞ്ചായത്ത് പ്രസിഡന്റ്‌ മാരായ ഗീതു കണ്ണൻ, ശാന്തി ഭാസി, സജിത p i,M R ദിനേശൻ, വലപ്പാട് ഗ്രാമപഞ്ചായത്ത് വൈസ് പ്രസിഡന്റ് വി.ആർ ജിത്ത്, ബ്ലോക്ക് ആസൂത്രണസമിതി ഉപാധ്യക്ഷൻ ജോളി വിജയൻ, അംഗം മോഹനൻ മാസ്റ്റർ ബ്ലോക്ക് മെമ്പർ മാരായ ബിജോഷ് ആനന്ദൻ, കല ടീച്ചർ, ജൂബി മെമ്പർ, വസന്ത ദേവലാൽ, സുധ കെ ബി, ഇബ്രാഹിം പടുവിങ്ങൽ, c r ഷൈൻ, ഭഗീഷ് പൂരാടൻ, ലിൻഡ സുഭാഷ ചന്ദ്രൻ, തളിക്കുളം ബിപിസി സിന്ധു ടീച്ചർ jbdo ലത, bdo റെജികുമാർ തുടങ്ങിയവർ ചടങ്ങിൽ ആശംസകൾ അറിയിച്ചു.ആരോഗ്യസ്റ്റാൻഡിങ് കമ്മിറ്റി ചെയർമാൻ കെ ബി സുരേഷ്‌കുമാർ സ്വാഗതവും ബ്ലോക്ക്‌ പഞ്ചായത്ത്‌ സെക്രട്ടറി നന്ദി പറഞ്ഞു https://chat.whatsapp.com/CoIlZoGjoRf0KxC9DL1wEG

Read More »