entenadu

വർണ്ണപ്പകിട്ട് – 2024 സ്വാഗത സംഘം ഓഫീസ് തുറന്നു

സാമൂഹ്യനീതി വകുപ്പിൻ്റെ നേതൃത്വത്തിൽ ജില്ലയിൽ, ഫെബ്രുവരി 17, 18, 19 തീയതികളിലായി നടക്കുന്ന വർണ്ണപ്പകിട്ട് – 2024 സംസ്ഥാന ട്രാൻസ്ജെൻ്റർ കലോത്സവത്തിൻ്റെ നടത്തിപ്പുമായി ബന്ധപ്പെട്ട് സ്വാഗത സംഘം…

തൃപ്രയാർ ശ്രീരാമ ക്ഷേത്ര പാരമ്പര്യ നിവർത്തക സമിതിയുടെ ശ്രീരാമ സേവാ സുവർണ മുദ്ര പുരസ്‌കാരം ക്ഷേത്രം ഊരാളൻ പുന്നപ്പിള്ളി മന ഡോ.പി.ആർ.ഉണ്ണികൃഷ്ണൻ നമ്പൂതിരിക്ക്. തൃപ്രയാർ : തൃപ്രയാർ ശ്രീരാമ ക്ഷേത്ര പാരമ്പര്യ നിവർത്തക സമിതിയുടെ ശ്രീരാമ സേവാ സുവർണ മുദ്ര പുരസ്‌കാരം ക്ഷേത്രം ഊരാളൻ പുന്നപ്പിള്ളി മന ഡോ.പി.ആർ.ഉണ്ണികൃഷ്ണൻ നമ്പൂതിരിക്ക് സമ്മാനിക്കും. ആറാട്ടുപുഴ പൂരത്തിൽ നെടുനായകത്വം വഹിക്കുന്ന തൃപ്രയാർ തേവരുടെ ചടങ്ങുകളുമായി ബന്ധപ്പെട്ട് പ്രവർത്തിക്കുന്നവർക്കാണ് പുരസ്‌കാരം നൽകുന്നത്. 11 -ാം വയസ് മുതൽ ക്ഷേത്ര ചടങ്ങുകളുമായി ബന്ധപ്പെട്ട് പ്രവർത്തിച്ച് വരുന്നു 76 ക്കാരനായ ഉണ്ണികൃഷ്ണൻ നമ്പൂതിരി. കഴിഞ്ഞ വർഷം തൃക്കോൽ ശാന്തിയായിരുന്ന പത്മനാഭൻ എമ്പ്രാതിരിക്കായിരുന്നു പുരസ്‌കാരം. രണ്ടര ഗ്രാം തൂക്കം ശ്രീരാമന്റെ ചിത്രം ആലേഖനം ചെയ്ത സുവർണ മുദ്രയും ഫലകവും പൊന്നാടയുമടങ്ങുന്നതാണ് പുരസ്‌കാരം. മാർച്ച് 14 ന് തൃപ്രയാറിൽ നടക്കുന്ന ചടങ്ങിൽ പുരസ്‌കാര സമർപ്പണം നടത്തുമെന്ന് സ്വാഗത സംഘം ചെയർമാൻ പി.മാധവമേനോൻ, ജനറൽ കൺവീനർ കൃഷ്ണകുമാർ ആമലത്ത് എന്നിവർ അറിയിച്ചു. താന്ന്യം വടക്കുംമുറി ചെമ്മാപ്പിള്ളിയിലാണ് വീട്. പ്രമുഖ ആയൂർ വേദ ഡോക്ടറായ അദ്ദേഹം തോന്നിയക്കാവ്, തിരുവാണിക്കാവ്, മുരിയാംകുളങ്ങര തുടങ്ങി വിവിധ ക്ഷേത്രങ്ങളിൽ മേൽശാന്തിയായി പ്രവർത്തിച്ചിട്ടുണ്ട്. ഗുരുവായൂർ, ശബരിമല ക്ഷേത്രങ്ങളിൽ മേൽശാന്തിമാരുടെ സഹായി പ്രവർത്തിച്ചിട്ടുണ്ട്. ഭാര്യ : റിട്ട. അദ്ധ്യാപിക വത്സല അന്തർജനം. അദ്ധ്യാപകനായ രാമദാസ്, ആയൂർവേദ ഡോക്ടറായ കൃഷ്ണദാസ് എന്നിവർ മക്കളാണ്.

തളിക്കുളം ഗ്രാമപഞ്ചായത്ത് 2023 -24 ജനകീയാസൂത്രണ പദ്ധതി പ്രകാരം വയോജനങ്ങൾക്ക് കട്ടിൽ വിതരണം നടത്തി. തൃശ്ശൂർ ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി. എം. അഹമ്മദ് ചടങ്ങ് ഉദ്ഘാടനം ചെയ്തു. തളിക്കുളം ഗ്രാമപഞ്ചായത്ത് പ്രസിഡന്റ്‌ പി. ഐ. സജിത ചടങ്ങിൽ അധ്യക്ഷത വഹിച്ചു. വയോജന ക്ഷേമ പദ്ധതിയിൽ ഉൾപ്പെടുത്തി 2 ലക്ഷം രൂപ വിനിയോഗിച്ച് 50 പേർക്ക് സൗജന്യമായാണ് കട്ടിൽ വിതരണം ചെയ്യുന്നത്. തളിക്കുളം ഗ്രാമപഞ്ചായത്ത് വൈസ് പ്രസിഡണ്ട് പികെ അനിത ടീച്ചർ, ക്ഷേമകാര്യ സ്റ്റാൻഡ് കമ്മിറ്റി ചെയർപേഴ്സൺ ബുഷറ അബ്ദുൽ നാസർ, ആരോഗ്യ വിദ്യാഭ്യാസ സ്റ്റാൻഡിങ് ചെയർമാൻ എം കെ ബാബു, വാർഡ് മെമ്പർമാരായ ഐ എസ് അനിൽകുമാർ, ഷാജി ആലുങ്ങൽ, ജാഗ്രത സമിതി ഫെസിലിറ്റേറ്റർ അനീഷ കെ എസ് എന്നിവർ ആശംസകൾ അർപ്പിച്ചു സംസാരിച്ചു. അംഗൻവാടി അധ്യാപകർ കട്ടിൽ വിതരണത്തിന് നേതൃത്വം നൽകി. തളിക്കുളം ഗ്രാമപഞ്ചായത്ത് സെക്രട്ടറി ഐ പി പീതാംബരൻ ചടങ്ങിൽ നന്ദി പറഞ്ഞു.

ആറാട്ട് മഹോത്സവത്തോടെ തളിക്കുളം ശ്രീ എരണേഴത്ത് മഹോത്സവം സമാപിച്ചു. ക്ഷേത്രം തന്ത്രി ബ്രഹ്മശ്രീ സി ബി പ്രകാശൻ ശാന്തിയുടെ കർമികത്യത്തിൽ നടന്ന ചടങ്ങിൽ ക്ഷേത്രം മേൽശാന്തി സി എസ് ധനേഷ് ശാന്തിമാരായ സഞ്ജയ്‌, സലീഷ്, പ്രഭീഷ് ജയപ്രകാശൻ സി.എസ് തുടങ്ങിയവർ സഹ കാർമികത്വം വഹിച്ചു. ക്ഷേത്രം ഭാരവാഹികളായ പ്രസിഡന്റ്‌ എ ആർ റോഷ് സെക്രട്ടറി ഇ. വി എസ് സ്മിത്ത് ട്രഷറർ ഇ.വി ഷെറി, ഉന്നതാധികാര പ്രസിഡന്റ് ഇ.വി. കെ ശശികുമാർ, ഇ. എസ് ഷൈജു, , പ്രിൻസ് മദൻ തുടങ്ങിയവരും മറ്റു ഭാരവാഹികളും കുടുംബാംഗങ്ങളും ഭക്തജനങ്ങളും പങ്കെടുത്തു.

ഗ്രാമപ്രദക്ഷിണം ഭക്തിനിർഭരമായി. തളിക്കുളം ഏരണേഴുത്ത് ശ്രീഭഗവതി ക്ഷേത്രത്തിലെ ഉത്സവത്തിന് മുന്നോടിയായുള്ള ഗ്രാമപ്രദക്ഷിണം ഭക്തിനിർഭരമായി. രാവിലെ നിർമാല്യദർശനം,കലശാഭിഷേകം,ശ്രീഭൂതബലി എന്നിവക്ക് ശേഷം ഗ്രാമപ്രദക്ഷിണ ചടങ്ങുകൾക്ക് തുടക്കമായി.സി.ബി.പ്രകാശൻ തന്ത്രികളുടെ മുഖ്യകാർമികത്വത്തിൽ നടന്ന ചടങ്ങിന് ശേഷം ഭഗവതിയുടെ തിടമ്പേറ്റി ക്ഷേത്ര പ്രദക്ഷിണം നടന്നു.തുടർന്ന് പൂത്താലങ്ങളോടെയും,വാദ്യ മേളങ്ങളുടെയും അകമ്പടിയോടെ ഭഗവതിയുടെ ഗ്രാമപ്രദക്ഷിണത്തിന് തുടക്കമായി.പ്രദക്ഷിണ വഴികളിൽ വീടുകൾക്ക് മുന്നിൽ ഭക്തർ നിലവിളക്കും,നിറപറയും വെച്ച് ഭഗവതിയെ വരവേറ്റു ഗ്രാമപ്രദക്ഷിണത്തിന് ശേഷം വൈകീട്ട് ക്ഷേത്ര നടയ്ക്കൽ പറ നടന്നു.ക്ഷേത്രം ഭരണസമിതി ഭാരവാഹികളായ എ.ആർ.റോഷ്,ഇ.വി.എസ് സ്മിത്ത്,ഇ.എസ്.ഷൈജു,പ്രിൻസ് മദൻ,ഇ.വി.ഷെറി എന്നിവർ ചടങ്ങിന് നേതൃത്വം നൽകി.

ഗ്രാമപ്രദക്ഷിണം ഇന്ന്.

ഗ്രാമപ്രദക്ഷിണം ഇന്ന്. തളിക്കുളം എരണേഴത്ത് ഭഗവതി ക്ഷേത്ര മഹോത്സവം വെള്ളിയാഴ്ച ആഘോഷിക്കും. ഉത്സവത്തിന്റെ ഭാഗമായി ഇന്ന് രാവിലെ ഭഗവതിയുടെ ഗ്രാമപ്രദക്ഷിണം നടക്കും. 8ന് രാത്രി പള്ളിവേട്ട. നിരവധി…

5.537 ഗ്രാം എംഡിഎംഎ യുമായി യുവാവിനെ വാടാനപ്പള്ളി റേഞ്ച് എക്സൈസ് സംഘം അറസ്റ്റ് ചെയ്തു.

വലപ്പാട്: 5.537 ഗ്രാം എംഡിഎംഎ യുമായി യുവാവിനെ വാടാനപ്പള്ളി റേഞ്ച് എക്സൈസ് സംഘം അറസ്റ്റ് ചെയ്തു. വലപ്പാട് കുരിശുപള്ളിക്ക് സമീപം മാളിയേക്കൽ അലൻ (28) ആണ് പിടിയിലായത്.…

തളിക്കുളം ഗ്രാമപഞ്ചായത്തും തൃശ്ശൂർ ജില്ലാ ശുചിത്വ മിഷനും സംയുക്തമായി മാലിന്യമുക്തം നവകേരളം ക്യാമ്പിന്റെ ഭാഗമായി സ്നേഹതീരം ബീച്ച് ക്ലീനിങ് ഡ്രൈവ് സംഘടിപ്പിച്ചു. തളിക്കുളം ബ്ലോക്ക് പഞ്ചായത്ത് പ്രസിഡണ്ട് കെ സി പ്രസാദ് ചടങ്ങ് ഉദ്ഘാടനം ചെയ്തു. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത ചടങ്ങിൽ അധ്യക്ഷത വഹിച്ചു. പരിസര ശുചിത്വത്തിന്റെ കാര്യത്തിൽ പൊതുജനങ്ങൾക്ക് അവബോധം സൃഷ്ടിക്കുക, വ്യക്തികൾ ഉത്പാദിപ്പിക്കപ്പെടുന്ന മാലിന്യങ്ങൾ പൊതുവിടങ്ങളിലും ജലസ്രോതസ്സുകളിലും വലിച്ചെറിയാതിരിക്കുക എന്നതാണ് ക്യാമ്പയിന്റെ പ്രധാന ലക്ഷ്യം. ഇതിന്റെ ഭാഗമായി പഞ്ചായത്ത് പരിധിയിൽ വരുന്ന ടൂറിസം കേന്ദ്രങ്ങൾ മാലിന്യമുക്തമാക്കുക എന്ന ലക്ഷ്യം വെച്ചുകൊണ്ടാണ് സ്നേഹതീരം ബീച്ച് ക്ലീനിങ് ഡ്രൈവ് സംഘടിപ്പിച്ചത്. തളിക്കുളം ഗ്രാമപഞ്ചായത്ത് വികസന സ്റ്റാന്റിങ് കമ്മിറ്റി ചെയർമാൻ എ എം മെഹബൂബ്, ബ്ലോക്ക് പഞ്ചായത്ത് മെമ്പർ കല ടീച്ചർ, വാർഡ് മെമ്പർമാരായ സന്ധ്യാ മനോഹരൻ, ഐ എസ് അനിൽകുമാർ, ഷാജി ആലുങ്ങൽ, തളിക്കുളം കുടുംബാരോഗ്യ കേന്ദ്രത്തിലെ ഡോക്ടർ അജയ് രാജ്, തൊഴിലുറപ്പ് പ്രവർത്തകർ, ആശാവർക്കർമാർ, ആരോഗ്യ പ്രവർത്തകർ, പൊതുപ്രവർത്തകരും ശുചിത്വ യജ്ഞത്തിൽ പങ്കെടുത്തു. മാലിന്യ സംസ്കരണത്തിന്റെ ചുമതലയുള്ള ഹെൽത്ത് ഇൻസ്പെക്ടർ സിനി കെ എ ചടങ്ങിൽ നന്ദി പറഞ്ഞു.

തൃപ്രയാർ : വലപ്പാട് ഇടവക വികാരി ബാബു അപ്പാടന് ഞായറാഴ്ച പൗരാവലിയുടെ വിപുലമായ യാത്രയയപ്പ് നൽകുമെന്ന് ഭാരവാഹികൾ അറിയിച്ചു. മുണ്ടൂർ കർമല നാഥ ചർച്ചിലേക്കാണ് സ്ഥലം മാറി പോകുന്നത്. വൈകുന്നേരം നാലിന് വലപ്പാട് ഭാവന ഓഡിറ്റോറിയത്തിൽ നടക്കുന്ന സമ്മേളനം സി.സി. മുകന്ദൻ എം.എൽ.എ ഉദ്ഘാടനം ചെയ്യും. മണപ്പുറം ഫൗണ്ടേഷൻ എം.ഡി വി.പി. നന്ദകുമാർ മുഖ്യാതിഥിയാകും. ജനപ്രതിനിധികൾ രാഷ്ട്രീയ കക്ഷി പ്രതിനിധികൾ എന്നിവർ പങ്കെടുക്കും. വാർത്ത സമ്മേളനത്തിൽ ഇ.കെ. തോമസ്, ഷിജോ പുത്തൂർ, ഷാജി ചാലിശ്ശേരി, എം.എ. സലീം, രാജൻ പട്ടാട്ട് എന്നിവർ പങ്കെടുത്തു.