entenadu

നാട്ടികയിലെ റോഡുകളെല്ലാം കുളമായി
വലവീശി കോൺഗ്രസ് സമരം.

തൃപ്രയാർ- കഴിഞ്ഞ ദിവസത്തെ മഴയിൽ നാട്ടികയിലെ റോഡുകളിലെല്ലാം വെള്ളം നിറഞ്ഞ് റോഡുകൾ കുളം ആക്കിയ നാട്ടിക പഞ്ചായത്തിന്റെ അനാസ്ഥയ്ക്കെതിരെ കോൺഗ്രസ് നാട്ടിക മണ്ഡലം കമ്മിറ്റി നാട്ടിക ബീച്ച്…

*യുവതിയും മകളും മരിച്ച സംഭവത്തിൽ ഭർതൃ സഹോദരനും മാതാവും അറസ്റ്റിൽ.* അന്തിക്കാട്: യുവതിയേയും ഒന്നര വയസ്സായ മകളേയും പാലാഴി വിനസ്ക്ലബിനുസമീപം ചകിരികുഴിയിൽ മരിച്ച നിലയിൽ കണ്ടെത്തിയ സംഭവത്തിൽ ഭർതൃസഹോദരനും അമ്മയും അറസ്റ്റിലായി. അന്തിക്കാട് കല്ലിട വഴി കിഴക്ക് ചോണാട്ട് അനിത (57), മകൻ അഷിൽ (30) എന്നിവരെയാണ് അന്തിക്കാട് പോലീസ് അറസ്റ്റ് ചെയ്തത്. ചൊവ്വാഴ്ച്ച രാവിലെ അന്തിക്കാട് സിഐ വി.എസ്.വിനീഷിൻ്റെ നേതൃത്വത്തിൽ വീട്ടിൽ നിന്ന് അറസ്റ്റ് ചെയ്ത ഇരുവരെയും കോടതി റിമാൻ്റ് ചെയ്തു. അന്തിക്കാട്ചോണാട്ടിൽ അഖിലിൻ്റെ ഭാര്യ കൃഷ്ണപ്രിയ (24) മകൾ പൂജിത (ഒന്നര) എന്നിവരെയാണ് ഏപ്രിൽ 30 ന് രാവിലെ മണലൂരിലെ പാലാഴി വിനസ്ക്ലബിനുസമീപം ചകിരികുഴയിൽ മരിച്ച നിലയിൽ കണ്ടെത്തിയത്. ചെളിയിൽ പുതഞ്ഞ നിലയിലാണ് ഇരുവരുടേയും മൃതദേഹങ്ങൾ. കാഞ്ഞാണി ആനക്കാട് കുന്നത്തുള്ളി പദ്മനാഭൻ്റെയും ഷൈലജയുടെയും മകളാണ് മരിച്ച കൃഷ്ണപ്രിയ. ഏപ്രിൽ 29 ന് പകൽ 2 മുതലാണ് യുവതിയേയും കുഞ്ഞിനേയും കാണാതായത്. ഭർത്താവിൻ്റെ ഫോൺ വന്നതിനെ തുടർന്ന് കാഞ്ഞാണി ആനക്കാടുള്ള വീട്ടിൽ നിന്നും അന്തിക്കാട് കല്ലിടവഴിയിലുള്ള ഭർത്താവിൻ്റെ വീട്ടിലേക്കെന്ന് പറഞ്ഞ് ഇറങ്ങിയ യുവതിയും കുഞ്ഞും രാത്രിയായിട്ടും വീട്ടിൽ എത്താത്തതിനെ തുടർന്ന് ഭർത്താവ് അഖിൽ അന്തിക്കാട് പോലീസിൽ പരാതി നൽകുകയായിരുന്നു. തുടന്ന് അന്വേഷണം നടത്തുന്നതിനിടെ ഇരുവരുടേയും മൃതദേഹങ്ങൾ കണ്ടെത്തിയത്. കാഞ്ഞാണിയിലെ മെഡിക്കൽ ഷോപ്പിലെ ജീവനക്കാരിയായ യുവതിയുടെ മരണത്തെ കുറിച്ച് അന്തിക്കാട് എസ്എച്ച്ഒ നടത്തിയ തുടർ അന്വേഷണത്തിലാണ് ഐപിസി 306 വകുപ്പ് പ്രകാരം ആത്മഹത്യ പ്രേരണ കുറ്റത്തിന് ഇരുവരും അറസ്റ്റിലായത്.

തളിക്കുളം മണ്ഡലം കോൺഗ്രസ് കമ്മിറ്റി രാജീവ് ഗാന്ധി രക്തസാക്ഷിത്വ ദിനം ആചരിച്ചു. രാജ്യത്തെ സ്വപ്നം കാണാൻ പഠിപ്പിച്ച,ആധുനിക ഭാരതത്തിൻ്റെ ശിൽപിയാണ് രാജീവ് ഗാന്ധിയെന്ന് യൂത്ത് കോൺഗ്രസ്സ് സംസ്ഥാന സെക്രട്ടറി എ എ മുഹമ്മദ്‌ ഹാഷിം രാജ്യത്തിൻ്റെ ഐക്യത്തിനും അഖണ്ഡതക്കും ജീവൻ നൽകിയ ധീരനായ ജനനേതാവിൻ്റെ ഓർമ്മകൾ എല്ലാ കാലത്തും നിലനിൽക്കുമെന്നും രാജ്യത്തിൻ്റെ കെട്ടുറപ്പിനായി ജനങ്ങൾക്ക് ഊർജ്ജം പകരുമെന്നും മുഹമ്മദ്‌ ഹാഷിം പറഞ്ഞു തളിക്കുളം മണ്ഡലം കോൺഗ്രസ്സ് കമ്മിറ്റി നടത്തിയ രാജീവ്‌ ഗാന്ധി അനുസ്മരണ പരിപാടി ഉത്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം കോൺഗ്രസ്സ് ഹൗസിൽ നടന്ന പുഷ്പാർച്ചനയിലും അനുസ്മരണ പരിപാടിയിലും തളിക്കുളം മണ്ഡലം കോൺഗ്രസ്സ് കമ്മിറ്റി പ്രസിഡൻ്റ് പി.എസ്. സുൽഫീക്കർ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ ലിൻ്റ സുഭാഷ് ചന്ദ്രൻ, ഗ്രാമപഞ്ചായത്ത് മെമ്പർ ജീജ രാധാകൃഷ്ണൻ,മഹിള കോൺഗ്രസ്സ് മണ്ഡലം പ്രസിഡൻ്റ് നീതു പ്രേംലാൽ, എൻ.മദനമോഹനൻ,സീനത്ത് ഷെക്കീർ,സിമി അനോഷ് തുടങ്ങിയവർ സംസാരിച്ചു.

എസ് എസ് എൽ സി -പ്ലസ്സ് ടു പരീക്ഷകളിൽ ഉന്നത വിജയം നേടിയ വിദ്യാർത്ഥികൾക്ക് പുരസ്‌കാരം നൽകി അനുമോദിച്ചു.

തൃപ്രയാർ – 2023-24 എസ് എസ് എൽ സി -പ്ലസ് 2 പരീക്ഷകളിൽ ഉന്നത വിജയം നേടിയ വിദ്യാർത്ഥികളെ നാട്ടിക ടാഗോർ കലാവേദിയുടെ ആഭിമുഖ്യത്തിൽ പുരസ്‌കാരങ്ങൾ നൽകി…

അവധികാല വോളിബോൾ തൃപ്രയാർ :ഏപ്രിൽ 1 മുതൽ മെയ്‌ 15വരെ ടി എസ് ജി എ ഇൻഡോർ സ്റ്റേഡിയത്തിൽ നടത്തിയ അവധികാല വോളിബോൾ പരിശീലന ക്യാമ്പിൽ പങ്കെടുത്ത കുട്ടികൾക്ക് സർട്ടിഫിക്കറ്റും ജേഴ്സിയും t s g a. ചെയർമാൻ ടി എൻ പ്രതാപൻ എംപി വിതരണം ചെയ്തു. സൗജന്യമായി നടത്തിയ ക്യാമ്പിൽ 57 ആൺകുട്ടികളും 24 പെൺകുട്ടികളും പങ്കെടുത്തു. പി.സി. രവി മുഖ്യ പരിശീലകനായിരുന്നു. വൈസ് ചെയർമാൻ പി.കെ സുഭാഷ് ചന്ദ്രൻ അധ്യക്ഷത വഹിച്ചു. ജനറൽ സെക്രട്ടറി സി. ജി അജിത് കുമാർ സ്വാഗതം പറഞ്ഞു. ഭാരവാഹികളായ ടി. യു സുഭാഷ് ചന്ദ്രൻ, ടി. എം നൗഷാദ്, ടി. ആർ ദില്ലി രത്നം, എം. സി സക്കീർ ഹുസൈൻ, സി. കെ പാറൻ കുട്ടി, എൻ. ആർ. സുഭാഷ്, എ. എസ് രാജേഷ്, വോളിബോൾ താരം ഷിറാസ് അബ്ദുൾ റഹ്മാൻ എന്നിവർ പ്രസംഗിച്ചു.

ട്രേഡ് & സര്‍വ്വീസ് ഗ്രൂപ്പ് നാലാം വാര്‍ഷികം ആഘോഷിച്ചു 1460 ദിവസങ്ങള്‍ പിന്നിടുമ്പോള്‍ ട്രേഡ് & സര്‍വ്വീസ് ഗ്രൂപ്പ് തൃശൂര്‍ ജില്ലയിലെ 25 പഞ്ചായത്തുകളില്‍ വ്യാപിച്ചിരിക്കുന്നു. 106 പേര്‍ക്ക് ഗ്രൂപ്പിലൂടെ രക്തദാതാക്കളെ കണ്ടെത്താന്‍ കഴിഞ്ഞു. തൊഴില്‍ അന്വേഷകരായ 15,000 പേര്‍ക്ക് ജോലി നേടിക്കൊടുക്കാന്‍ ഇതിനോടകം സാധിച്ചു. ഉറ്റവരെയും വിലപ്പെട്ട വസ്തുക്കളും നഷ്ടപ്പെട്ട 419 അറിയിപ്പുകളില്‍ ഏറിയഭാഗവും തിരിച്ചുകിട്ടാനായി അതിജീവനത്തിന്‍റെ പാതയില്‍ നമ്മുടെ മനുഷ്യസഹജമായ ദൈനംദിന ആവശ്യങ്ങള്‍ അറിയിക്കാനൊപ്പം നിന്ന നിസ്വാര്‍ത്ഥ സേവനകൂട്ടായ്മയുടെ നാലാമത് വാര്‍ഷികം ആഘോഷിച്ചു. തൃപ്രയാര്‍ എസ്.എന്‍.ഡി.പി. നാട്ടിക യൂണിയന്‍ ഹാളില്‍ നടന്ന യോഗത്തില്‍ പബ്ലിസിറ്റി കണ്‍വീനറും, താന്ന്യം ഗ്രൂപ്പ് അഡ്മിനുമായ സന്തോഷ് കോലോത്ത് അധ്യക്ഷത വഹിച്ചു. ഗ്രൂപ്പ് ക്രിയേറ്റര്‍ സുഖില്‍ദാസ് വാര്‍ഷികാഘോഷം ഉദ്ഘാടനം ചെയ്തു. തുടര്‍ന്ന് വിവിധ പഞ്ചായത്ത്, കോര്‍പ്പറേഷന്‍, മുനിസിപ്പാലിറ്റി ഗ്രൂപ്പ് അഡ്മിന്‍മാരെ സുഖില്‍ദാസ് മൊമെന്‍റോ നല്‍കി ആദരിച്ചു. ഗിഫ്റ്റ്, മെമെന്‍റോ, സ്പോണ്‍സര്‍ എന്നിവ നല്‍കിയ മിയ കണ്‍വെന്‍ഷന്‍ സെന്‍റര്‍, സാന്ദ്രാസ് ട്രസ്റ്റ് എന്നിവരോടുള്ള കൃതജ്ഞത യോഗത്തില്‍ പ്രത്യേകം അറിയിച്ചു. യോഗത്തില്‍ ഷാനി സുഖില്‍ദാസ്, ജാബിര്‍, ഗിരീഷ്, ഫസീല, നൗഷാദ് എന്നിവര്‍ സംസാരിച്ചു. പ്രോഗ്രാം കോഡിനേറ്ററും വലപ്പാട് അഡ്മിനുമായ സജിന്‍ സാന്ദ്ര സ്വാഗതം ആശംസിച്ചു. എം എസ് സജീഷ് നന്ദിയും പ്രകാശിപ്പിച്ചു.

വലപ്പാട് ഗ്രാമപഞ്ചായത്തിന്റെ മഴക്കാലപൂർവ്വ ശുചീകരണ പ്രവർത്തനങ്ങൾക്ക് തുടക്കമായി.

വലപ്പാട് ചന്തമൈതാനിയിൽ വെച്ച് തൃശ്ശൂർ ജില്ലാ പഞ്ചായത്ത്‌ വികസന സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി മഞ്ജുള അരുണൻ ശുചീകരണ ക്യാമ്പയിൻ ഉൽഘാടണം നിർവഹിച്ചു. ഗ്രാമപഞ്ചായത്ത്‌ സെക്രട്ടറി ശ്രീ…

ഹെൽത്ത് കാർഡ് വിതരണം. കേരള വ്യാപാരി വ്യവസായി ഏകോപന സമിതി യൂത്ത് വിംങ് നാട്ടിക നിയോജക മണ്ഡലം കമ്മിറ്റിയുടെ നേതൃത്വത്തിൽ കെ.സി വാസു മെമ്മോറിയൽ ഹാളിൽ മെയ് 5 ന് നടത്തിയ ക്യാമ്പിലെ ഹെൽത്ത് കാർഡ് വിതരണം ഇന്ന് രാവിലെ 9.30ന് (18/05/2024) *കേരള ഹോട്ടൽ ആൻ്റ് റെസ്റ്റോറൻ്റ് അസോസിയേഷൻ തൃപ്രയാർ മേഖല പ്രസിഡൻ്റ് ആർ.എ.മുഹമ്മദ്. കേരള വ്യാപാരി വ്യവസായി ഏകോപന സമിതി വലപ്പാട് യൂണിറ്റ് പ്രസിഡൻ്റ് ശ്രീ.ഷാജി ചാലിശ്ശേരിക്ക് നൽകി നിർവഹിച്ചു.* യൂത്ത് വിംങ് നാട്ടിക നിയോജക മണ്ഡലം ചെയർമാൻ താജുദ്ദീൻ കാവുങ്ങൽ അദ്ധ്യക്ഷത വഹിച്ച ചടങ്ങിൽ ജനറൽ കൺവീനർ അരുൺ പി. സ്വാഗതം പറഞ്ഞു. ട്രഷറർ ശ്രീരജ് ,കൺവീനർ റിഹാസ്, ജിജോ വലപ്പാട്, സുനിൽ തായിസ്, പോൾസൺ, പി.ആർ. പ്രേമൻ, സുനിൽകുമാർ കെ.എസ്, വനിതാവിങ്ങ് വൈസ് പ്രസിഡൻ്റ് സീനത്ത്, ഗ്രീഷ്മ, എന്നിവർ നേതൃത്വം നൽകി.

ജർമ്മൻ സംഘം പഴുവിൽ സെന്റ് ആന്റണീസ് ഫൊറോന പള്ളിയിൽ സ്ഥിതി ചെയ്യുന്ന അർണോസ് പാതിരിയുടെ കബറിടം സന്ദർശിച്ചു.. പഴുവിൽ : 2024 മെയ് 17 ന് അർണോസ് പാതിരിയുടെ ജന്മദേശത്തുനിന്നുള്ള ജർമ്മൻ സംഘം പഴുവിൽ സെന്റ് ആന്റണീസ് ഫൊറോന പള്ളിയിൽ സ്ഥിതി ചെയ്യുന്ന അർണോസ് പാതിരിയുടെ കബറിടം സന്ദർശിച്ചു. പഴുവിൽ ഫൊറോന വികാരി വെരി. റവ. ഫാ. ഡോ. വിൻസെൻ്റ് ചെറുവത്തൂർ ജർമ്മൻ സംഘത്തിന് സ്വീകരണം നൽകി. ജർമ്മനിയിൽ നിന്നുള്ള ഫാ. തിയോ പോൾ SJ (മുൻ വികാരി ജനറാൾ), ഫാ. കാൾ ന്യൂഫെൽഡ് SJ, ഡോ. റെജിന വൈൽഡ്ഗ്രൂബെർ, ജന ബെര്‍ഹന്‍സ്, മാർട്ടിൻ ബോൾസ്, ക്രിസ്റ്റിൻ മുള്ളർ, കേരളത്തിലെ പ്രതിനിധികളായി വെരി. റവ. ഫാ. മാത്യു എലഞ്ഞിപ്പുറം SJ (പ്രൊവിൻഷ്യൽ, കോഴിക്കോട്), ഫാ. സണ്ണി ജോസ് SJ (പ്രൊഫസർ സെൻറ് സേവിയേഴ്സ് കോളേജ് തിരുവനന്തപുരം), ഫാ. ബിനോയ് ജേക്കബ് SJ എന്നിവരുമാണ് സന്ദർശനം നടത്തിയത്. അർണോസ് പാതിരി എന്നറിയപ്പെടുന്ന ജോൺ ഏർണസ്റ്റ് ഹാൻസിൽഡൻ ജർമ്മനിയിലെ ഓസ്റ്റർ കാപ്ലീൻ എന്ന സ്ഥലത്ത് 1681ൽ ജനിച്ചു. സ്കൂൾ വിദ്യാഭ്യാസത്തിനുശേഷം വൈദികൻ ആകാൻ ജസ്യൂട്ട് സന്യാസസഭയിൽ ചേരുകയും പഠനത്തിന്റെ ഭാഗമായി തൃശ്ശൂർ ജില്ലയിലെ സമ്പാളൂർ സെന്റ് പോൾ സെമിനാരിയിലേക്ക് അയക്കുകയും ചെയ്തു. 1706 ൽ അദ്ദേഹം വൈദികനായി. 1712 ൽ വേലൂരിലേക്ക് അദ്ദേഹം വരികയും അവിടെ ഒരു പള്ളി സ്ഥാപിക്കുകയും ചെയ്തു. അദ്ദേഹം തന്റെ സമയം വേലൂർ, സമ്പാളൂർ, പാലയൂർ, പഴുവിൽ എന്നിവിടങ്ങളിൽ ചിലവഴിച്ചു. അർണോസ് പാതിരി വേലൂർ താമസമാക്കിയെങ്കിലും കൃതികൾ മിക്കതും പഴുവിൽ പള്ളിയിൽ ഇരുന്നാണ് എഴുതിയിട്ടുള്ളത്. പുത്തൻപാന, ചതുരന്ത്യം, ഉമ്മാടെ വ്യാകുല പ്രബന്ധം, ജനോപർവ്വം, സംസ്കൃത വ്യാകരണം, മലയാള സംസ്കൃത നിഘണ്ടു, മലയാളം പോർച്ചുഗീസ് നിഘണ്ടു മുതലായവ അർണോസ് പാതിരിയുടെ കൃതികളാണ്. മലയാള ഭാഷയ്ക്കും കേരളത്തിനും ലോകത്തിനും ഒട്ടനവധി സംഭാവന നൽകിയ അദ്ദേഹം 51-ാം വയസ്സിൽ, 1732 മാർച്ച്‌ 20ന് പഴുവിൽ വച്ച് മരണപ്പെട്ടു.

*വഴിയിൽ നിന്നു കിട്ടിയ പഴ്സ് ഉടമക്കു കൈമാറി മാതൃകയായി* പുത്തൻപീടിക : ഷോർട്ട് ഫിലിം വർക്കു കഴിഞ്ഞ് അന്തിക്കാട് നിന്ന് പുത്തൻപീടികയിലേക്ക് വരുന്നതിനിടയിൽ കെ.കെ. മേനോൻ ഷെഡിനു സമീപത്തായി റോഡിൽ കിടന്നിരുന്ന പഴ്സ് കിട്ടിയത് ഉടമക്ക് നൽകി രേണുക റിജു മാതൃകയായി . പണവും, ഇന്ത്യയിലെയും , വിദേശത്തെയും ഡ്രൈവിംഗ് ലൈൻസുകളും, മറ്റു രേഖകളും പഴ്സിലുണ്ടായിരുന്നു കിഴക്കുംമുറി രേണുക റിജു കണക്കന്തറക്കാണ് പഴ്സ് കിട്ടിയത് . താന്ന്യം ഗ്രാമപഞ്ചായത്ത് അഞ്ചാം വാർഡ് മെമ്പർ ആന്റോ തൊറയനെ വിവരം അറിയിക്കുകയും തുടർന്ന് പുത്തൻപീടിക വള്ളൂർ സ്വദേശി തട്ടിൽ ഡിവിൻ സുന്ദറിന്റെതായിരുന്നു പഴ്സ് എന്ന് കണ്ടെത്തുകയും ചെയ്തു. എ.ആർ റോഡ് ബസ് സ്റ്റോപ്പ് പരിസരത്ത് വെച്ച് ഉടമക്ക് പഴ്സ് മെമ്പർ ആന്റോ തൊറയൻ , ഉണ്ണി നായർ ഇരിക്കയിൽ , റിജു കണക്കന്തറ എന്നിവരുടെ സാന്നിധ്യത്തിൽ കൈമാറി.