entenadu

ചെറുകഥ: ജീവിത യാത്രയിൽനിന്ന് ഒരു ഏട്‌ 🌹 Saliba✍️ അവൾ കടയിൽ പോയി തിരിച്ചു വരികയായിരുന്നു, വീട്ടിലോട്ട് 2 കിലോമീറ്റർ നടക്കാൻ ഉണ്ട്. ഓട്ടോ എന്തെങ്കിലും വരുന്നുണ്ടോ എന്ന് തിരിഞ്ഞു നോക്കിക്കൊണ്ടായിരുന്നു അവളുടെ നടത്തം “അതല്ലെങ്കിലും അങ്ങിനെ ആണ് ആവശ്യം നേരത്ത് ഒരു വണ്ടിയും കാണില്ല “മനസ്സിൽ അവൾ പിറു പിറുത്തു “കൈ നന്നായി വേദനിക്കുന്നുണ്ട്, ഇതിൽ കടക്കാരൻ വല്ല കല്ലും കയറ്റി വെച്ചിട്ടുണ്ടോ എന്നവൾ മനസ്സിലോർത്തു 😊 കുറച്ച് നടന്നപ്പോൾ ക്ഷീണിതനായ ഒരു വൃദ്ധനെ അവൾ കണ്ടു, അയാളുടെ കൈയിലെ സഞ്ചി അയാൾക്കു താങ്ങാവുന്നതിലും വലിയ ഭാരമാണെന്ന് അവൾക്കു മനസ്സിലായി.…ആ കാഴ്ച്ച അവളെ വല്ലാതെ വേദനിപ്പിച്ചു, അവൾ അയാളുടെ അടുത്ത് എത്തി, അപ്പൂപ്പ ആ സഞ്ചി ഞാൻ പിടിക്കാം “അപ്പൂപ്പൻ എവിടെ ആണ് പോകുന്നത് ഞാൻ കൊണ്ടുചെന്നാക്കാം” അവൾ ആ വൃദ്ധനോട് പറഞ്ഞു.അയാൾ ആദ്യം ആ സഞ്ചി കൊടുക്കാൻ മടിച്ചെങ്കിലും പിന്നീട് അവൾക്ക് നൽകി. അയാൾ പറഞ്ഞു മോൾടെ കൈയിൽ തന്നെ ഉണ്ടല്ലോ നല്ലൊരു ഭാരം ഇത് മോൾക്ക് ബുദ്ധിമുട്ടാകും. “ഏയ്‌ എന്റെ കൈയിൽ ഉള്ളതു അതികം ഭാരമൊന്നും ഇല്ല അപ്പൂപ്പൻ വരൂ നമ്മുക്ക് നടക്കാം അവൾ പുഞ്ചിരിച്ച് കൊണ്ട്‌ പറഞ്ഞു…… രണ്ടുപേരും സംസാരിച്ചുകൊണ്ട് നടന്നു, അപ്പൂപ്പന് ഭാര്യ മാത്രമാണ് ഉള്ളത് എന്നും മക്കൾ ആയി ആരും ഇല്ലെന്നും അയാളുടെ സംസാരത്തിൽ നിന്നും അവൾ മനസിലാക്കി, അവൾ അവളെ കുറിച്ചും അവളുടെ വീടിനെ കുറിച്ചും അയാൾക്കു പറഞ്ഞുകൊടുത്തു. കുറെ നേരത്തെ നടത്തതിന് ശേഷം റോഡിൽ നിന്നും മുറിഞ്ഞു ഒരു ഇടവഴി എത്തിയപ്പോൾ അകലേക്ക്‌ ചൂണ്ടി അയാൾ പറഞ്ഞു അവിടെ ആണ് എന്റെ വീട്, വീട്ടിലോട്ട് അയാൾ ക്ഷണിച്ചെങ്കിലും പിന്നീട് ഒരു ദിവസം വരാമെന്നു പറഞ്ഞു അവൾ അയാളോട് യാത്ര പറഞ്ഞു ❤ ‘നിന്നെ കാണാൻ ഒരാൾ വന്നിരിക്കുന്നു’ ഉമ്മറത്ത് നിന്ന് അമ്മൂമ്മ അവളോട്‌ വിളിച്ചു പറഞ്ഞു. എന്നെ കാണാൻ ആരായിരിക്കും എന്ന ചിന്തയോടെ അവൾ ഉമ്മറത്തെത്തി. ഉമ്മറത്തെ ആളെ കണ്ടപ്പോൾ ആദ്യം അതിശയവും പിന്നെ സന്തോഷവും തോന്നി. വഴിയിൽ വെച്ച് പരിചയപ്പെട്ട അപ്പൂപ്പൻ ആയിരുന്നു അത്, അവളെ ആദ്യമായി കണ്ടതും അവൾ സഹായിച്ചതും വിശദമായി അവളുടെ അമ്മൂമ്മയോട് പറയുകയായിരുന്നു ആ വൃദ്ധൻ.അയാളെ കണ്ടതിൽ അവൾക്ക് ഒരുപാട് സന്തോഷം തോന്നി അവർ ഒരുപാട് സമയം വർത്തമാനം പറഞ്ഞിരുന്നു.പിന്നീട് എല്ലാ ആഴ്ച്ചകളിലും അയാൾ അവളെ കാണാൻ എത്തി 🌹 ഇന്ന് അപ്പൂപ്പൻ വരുന്ന ദിവസമാണ് അവൾ കുളിയെല്ലാം കഴിഞ്ഞ് ഉമ്മറത്ത് നോക്കിയിരുന്നു. പക്ഷെ അയാൾ വന്നില്ല. അടുത്ത ആഴ്ച്ചയും കാണാതായപ്പോൾ അയാളെ തിരക്കി പോകാൻ അവൾ തീരുമാനിച്ചു.കാണുമ്പോൾ പറയാൻ ഉള്ള പരിഭവങ്ങൾ മനസ്സിൽ കരുതി വെച്ച് കൊണ്ടായിരുന്നു യാത്ര..വീട് കണ്ടുപിടിക്കാൻ ബുദ്ധിമുട്ടൊന്നും ഉണ്ടായില്ല. വീടിന്റെ ഉമ്മറത്ത് ഒരു വയസ്സായ സ്ത്രീ ഇരിക്കുന്നത് അവൾ കണ്ടു. അപ്പൂപ്പന്റെ ഭാര്യയാണ് അത് എന്ന് അവൾ ഊഹിച്ചു, ആ വൃദ്ധയുടെ മുഖത്ത് സങ്കടം തളം കെട്ടി നിൽക്കുന്നത് പോലെയും അവരുടെ കണ്ണുകളിൽ നനവ് പടർന്നിരിക്കുന്നത് പോലെയും അവൾക്ക് തോന്നി.ആ വൃദ്ധ ദൂരേക്ക് കണ്ണും നട്ട് ഇരിക്കുകയായിരുന്നു. അവൾ പതുക്കെ അവരെ സ്പർശിച്ചു. ആ വയസ്സായ സ്ത്രീ ഏതോ ഓർമകളിൽ നിന്ന് ഞെട്ടി ഉണർന്നപോലെ അവളെ നോക്കി. പെട്ടെന്നാണ് ഉമ്മറത്ത് ഭിത്തിയിൽ മാലയിട്ട അപ്പൂപ്പന്റെ ഒരു ഫോട്ടോ അവളുടെ കണ്ണിൽ ഉടക്കിയത്.അപ്പൂപ്പൻ അവളെ കാണാൻ വരാത്തതിന്റെ കാരണം അവൾക്ക് അതിൽ നിന്നും മനസിലായി. അവൾ ആ വൃദ്ധയുടെ കൂടെ കുറച്ച് സമയം അവിടെ ചിലവഴിച്ചു.ആ വൃദ്ധയുടെ ഏകാന്തതയിൽ ഇടയ്ക്കെങ്കിലും താൻ ഒരു കൂട്ടാകുമെന്ന് മനസ്സിൽ ഉറച്ച് അവൾ അവിടെ നിന്നും യാത്ര പറഞ്ഞിറങ്ങി. അവിടെ നിന്നും ഇറങ്ങുമ്പോൾ അവളുടെ കണ്ണുകൾ നിറഞ്ഞിരുന്നു വല്ലാത്തൊരു നീറ്റൽ….. അവൾ ചിന്തിക്കുകയായിരുന്നു അയാൾ അവൾക്ക് ആരായിരുന്നു എന്ന് “ജീവിത യാത്രയിൽ പറയാതെ കടന്നു വരുന്ന ചില നല്ല മനുഷ്യരിൽ ഒരാൾ🖤……” Saliba ✍️

സമഗ്ര ശിക്ഷാ കേരളം ബിആർ സി തളിക്കുളത്തിന്റെ നേതൃത്വത്തിൽ ഭിന്നശേഷി മാസാചരണത്തിൻ്റെ ഭാഗമായി വിളംബര ജാഥ സംഘടിപ്പിച്ചു.
ബി ആർ സി തളിക്കുളത്തെ ട്രെയിനർ ടിവി ചിത്രകുമാർ സ്വാഗതം പറഞ്ഞ ചടങ്ങിൽ തളിക്കുളം ബ്ലോക്ക് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ മല്ലിക ദേവൻ അധ്യക്ഷനായിരുന്നു. തളിക്കുളം ബ്ലോക്ക് പ്രസിഡൻറ് ശ്രീ. കെ സി പ്രസാദ് ഉദ്ഘാടനം നിർവഹിച്ചു. തളിക്കുളം സ്പെഷ്യൽ എഡ്യൂക്കേറ്റർ സിമി സത്യൻ പ്രതിജ്ഞ ചൊല്ലിക്കൊടുത്തു. തളിക്കുളം ബിപിസി സിന്ധു ടീച്ചർ പ്രയാണത്തിന് തുടക്കം കുറിച്ചുകൊണ്ട് പഞ്ചഗുസ്തി ചാമ്പ്യൻഷിപ്പിൽ സംസ്ഥാനതലത്തിലേക്ക് സെലക്ഷൻ ലഭിച്ച തളിക്കുളം ബിആർസിയിലെ കായിക താരം കൃഷ്ണാഞ്ജനയ്ക്ക് കൈമാറി. ആശംസകളുമായി സുശീല സോമൻ, സന്തോഷ്, കല ടീച്ചർ മണികണ്ഠൻ, ശുഭനാരായണൻ, ശാന്തി ഭാസി തുടങ്ങി പഞ്ചായത്ത് ബ്ലോക്ക് പഞ്ചായത്ത് ഐസിഡിഎസ് പ്രതിനിധികൾ സന്നിഹിതരായിരുന്നു. വിവിധ സ്കൂൾ പ്രധാനാധ്യാപകർ ചടങ്ങിൽ പങ്കെടുത്തു. ഭിന്നശേഷി കുട്ടികളെ സമൂഹത്തിന്റെ മുൻനിരയിൽ എത്തിക്കുക എന്ന ലക്ഷ്യത്തോടെ കൂടി BRC തളിക്കുളം സംഘടിപ്പിച്ച വിളംബര ജാഥയിൽ സമൂഹത്തിന്റെ വിവിധ തുറയിലുള്ള കുട്ടികൾ പങ്കെടുത്തു. വിവിധ സ്കൂളുകളിൽ നിന്ന് എൻസിസി, എൻഎസ്എസ് ,സ്കൗട്ട് ഗൈഡ് ,എസ് പി സി.JRC എന്നിവരുടെ സാന്നിദ്ധ്യം എടുത്തു പറയേണ്ടതാണ്.വിവേചനങ്ങൾ ഇല്ലാത്ത ലോകം അതല്ലേ നമ്മുടെ സ്വപ്നം. ഭിന്നശേഷി സൗഹൃദ സമൂഹം അതായിരിക്കട്ടെ നമ്മുടെ ലക്ഷ്യം. ഏവർക്കും പ്രാപ്യവും തുല്യവുമായ ലോകം അതാണ് നമ്മുടെ ആഗ്രഹം .ഭിന്നശേഷി ഉന്നമനം സമൂഹ പങ്കാളിത്തത്തോടെ അതാണ് നമ്മുടെ മുദ്രാവാക്യം. നിയമങ്ങളും ഗവൺമെൻറും മാറിയാലും സമൂഹം മാറിയാൽ അല്ലേ മാറ്റം ഉണ്ടാവുകയുള്ളൂ. അതിനുവേണ്ടിയുള്ള ഒരു ചെറിയ ശ്രമം. തളിക്കുളം ബിആർസിയുടെ ആഭിമുഖ്യത്തിൽ നടക്കുന്ന ഭിന്നശേഷി മാസാചരണത്തിന്റെ വിളംബര ഘോഷയാത്രയാണ് തൃപ്രയാർ മുതൽ നാട്ടിക വരെ നടത്തിയത്
ബിആർസി തളിക്കുളം സ്പെഷ്യൽ എഡ്യൂക്കേറ്റർ ജലജ ടീച്ചർ നന്ദി പറഞ്ഞു

ടുഗെതർ ഫോർ തൃശ്ശൂർ” പദ്ധതിയിൽ തളിക്കുളം ഗ്രാമപഞ്ചായത്തിലെ 10 കുടുംബങ്ങൾക്ക് കൈത്താങ്ങായി പുതിയങ്ങാടി മോഡൽ സ്കൂൾ…

സംസ്ഥാന ഗവൺമെന്റ് നടപ്പിലാക്കുന്ന അതി ദാരിദ്ര്യ നിർമാർജനത്തിന്റെ ഭാഗമായി തൃശ്ശൂർ ജില്ലാ കളക്ടറുടെ ആഭിമുഖ്യത്തിൽ നടക്കുന്ന “ടുഗെതർ ഫോർ തൃശ്ശൂർ” പദ്ധതിയിൽ തളിക്കുളം ഗ്രാമപഞ്ചായത്തിലെ 10 കുടുംബങ്ങൾക്ക്…

#ജീവിതവിജയത്തിലേക്ക്… ഒറ്റച്ചില്ല കായ്ക്കാറില്ല. പൂമ്പാറ്റയൊന്ന് പുമ്പൊടിയിൽ ഉമ്മവെയ്ക്കുംവരെ… ആ ചിരിച്ച മുഖം തനിച്ചിരിക്കുമ്പോൾ കൊതിച്ചുപോകുന്നുവെന്നതാണ് നിത്യകവിത പ്രപഞ്ചം ഇണകളുടെ സമ്മേളനമാണ് പ്രണയത്തെ വിശ്വസിക്കരുത് വിഷാദത്തെ വിരുന്ന്‌ വിളിക്കരുത്, ദുഃഖം മരണമാണ് തെറ്റ് ചെയ്യാനുറച്ചവരുടെ മനസ്സിലൊരിക്കലും ദുഃഖമുണ്ടാവില്ലെന്ന വരി മികച്ചതാകുമ്പോൾ അവരെക്കുറിച്ചോർത്ത് ദുഃഖിക്കുന്നവരെ നോക്കി ഉള്ളിൽ സന്തോഷമടയുന്നവരായ് അവരെ നിങ്ങൾ കണ്ടെത്തിയിരിക്കും മനസ്സ് നഷ്ടമാകാതെ ക്ഷമ കൈകൊള്ളുന്നവരിലേക്ക് നോക്കൂ യാഥാർത്യങ്ങളിൽനിന്ന് ജീവിതം കരുപ്പിടിപ്പിച്ചെടുത്തവർ തിരഞ്ഞെടുക്കുന്നവയിൽ തൃപ്തി നേടുന്ന ജീവിതവിജയമാണത്…! ജലീൽ കൽപകഞ്ചേരി

തൃപ്രയാർ : ഏകാദശി മഹോൽസവത്തിന് സമാപനം കുറിച്ച് ദ്വാദശിപ്പണസമർപ്പണവും ഊട്ടും നടന്നു.
വിവിധ ഗ്രാമങ്ങളിൽ നിന്നുള്ള വൈദികർ ദ്വാദശിപ്പണം സ്വീകരിക്കാനെത്തി.
ശുകപുരം ഗ്രാമത്തിൽ നിന്നും ചെറുമുക്ക് വൈദികൻ വല്ലഭൻ അക്കിത്തിരിപ്പാട് , ചെറുമുക്ക് വൈദികൻ ശ്രീകണ്ഠൻ സോമയാജിപ്പാട്, പെരുവനം ഗ്രാമത്തിൽ നിന്ന് പെരുമ്പടപ്പ് വൈദികൻ ഹൃഷീകേശൻ സോമയാജിപ്പാട്, ആരൂർ വാസുദേവൻ അക്കിത്തിരിപ്പാട്, തവനൂർ ഗ്രാമത്തിൽ നിന്ന് പരമേശ്വരൻ സോമയാജിപ്പാട്, ഇരിങ്ങാലക്കുട ഗ്രാമത്തിൽ നിന്ന് നടുവിൽ പഴയപഴയിടം നീലകണ്ഠൻ അടിതിരിപ്പാട് എന്നിവരാണ് ഭക്തരിൽ നിന്ന് ദ്വാദശിപ്പണം സ്വീകരിക്കുന്നതിന് എത്തിയിരുന്നത്.

നാട്ടിക:മണപ്പുറത്തെ രാഷ്ട്രീയ സാമൂഹ്യ സംസ്കാരിക രംഗങ്ങളിൽ നിറസാനിധ്യമായിരുന്ന കെ വി പീതാംബരൻ മെമ്മോറിയൽ പബ്ലിക്ക് ലൈബ്രറി & റീഡിംഗ്റൂം പ്രവർത്തന ഉദ്ഘാടനവും മെമ്പർഷിപ്പ് വിതരണവും നടന്നു. നാട്ടിക സർവ്വീസ് സഹകരണ ബാങ്ക് ഹാളിൽ നടന്ന ചടങ്ങ് സി സി മുകുന്ദൻ എം എൽ എ ഉദ്ഘാടനം ചെയ്തു. തുടർന്ന് മെമ്പർഷിപ്പ് വിതരണോദ്ഘാടനം നടന്നു.അതോടൊപ്പം ലൈബ്രറി രജിസ്ട്രേഷൻ രേഖ കൈമാറി. ലൈബ്രറി കെട്ടിടം നിർമ്മിക്കുന്നതിനായി 50 ലക്ഷം രൂപ എം എൽ എ ഫണ്ടിൽ നിന്ന് അനുവദിക്കുമെന്ന് എം എൽ എ ചടങ്ങിൽ വച്ച് പ്രഖ്യാപിച്ചു. നേരത്തെ തന്നെ ലൈബ്രറി കെട്ടിടത്തിനായി മൂന്ന് സെൻ്റ് സ്ഥലം തൃപ്രയാർ പോളിടെക്നിക്കിന് സമീപം ലൈബ്രറി കമ്മിറ്റി സ്വന്തമായി വിലക്ക് വാങ്ങി രജിസ്റ്റർ ചെയ്തിട്ടുള്ളതാണ്. ലൈബ്രറി പ്രസിഡൻ്റ് പി എം അഹമ്മദ് ചടങ്ങിൽ അധ്യക്ഷനായി. മഞ്ജുള അരുണൻ, കെ എ വിശ്വംഭരൻ, കെ ആർ സീത,പി ആർ കറപ്പൻ. കെ വി പീതാംബരൻ്റെഭാര്യ സരസ്വതി, മകൾ ഗായത്രി. തുടങ്ങിയവർ സംസാരിച്ചു. ലൈബ്രറി സെക്രട്ടറി എം എ ഹാരീസ് ബാബു സ്വാഗതവും അഡ്വ.വി കെ ജ്യോതി പ്രകാശ് നന്ദിയും പറഞ്ഞു.

തൃപ്രയാർ ഏകാദശിയോടനുബന്ധിച്ച്‌ തൃപ്രയാർ-നാട്ടിക മർച്ചന്റ്സ്‌ അസോസിയേഷൻ വനിതാ വിങ്ങിന്റ്‌ ആഭിമുഖ്യത്തിൽ സ്നാക്സ്‌ കൗണ്ടർ നാട്ടിക പഞ്ചായത്ത്‌ ഓഫീസിന്‌ സമീപം പ്രവർത്തനം ആരംഭിച്ചു. പഞ്ചായത്ത്‌ പ്രസിഡന്റ്‌ ശ്രീ: എം.ആർ.ദിനേശൻ ഉദ്ഘാടനം നിർവ്വഹിച്ചു.

വനിതാ വിങ്ങ്‌ പ്രസിഡന്റ്‌ ശ്രീമതി: ദീപ്തി ബിമൽ സ്വാഗതം പറഞ്ഞു. TNMA പ്രസിഡന്റ്‌ ഡാലി.ജെ.തോട്ടുങ്ങൽ, ജനറൽ സെക്രട്ടറി പീ.കെ.സമീർ, ട്രഷറർ സുരേഷ്‌ ഇയ്യാനി, യൂത്ത്‌ വിങ്ങ്‌ പ്രസിഡന്റ്‌…

തളിക്കുളം വല്ലത്ത് ശ്രീഭഗവതി ക്ഷേത്രത്തിലെ ഉത്സവത്തിന് കൊടിയേറി..

തളിക്കുളം വല്ലത്ത് ശ്രീഭഗവതി ക്ഷേത്രത്തിലെ ഉത്സവത്തിന് കൊടിയേറി. രാവിലെ വിശേഷാൽ പൂജകൾക്ക് ശേഷം ക്ഷേത്രം തന്ത്രി പറവൂർ രാകേഷ് തന്ത്രി ത്യക്കൊടിയേറ്റ് നിർവ്വഹിച്ചു. സുനിൽ ശാന്തി .സനീഷ്…

തളിക്കുളം:ഓടി കൊണ്ടിരിക്കുന്ന വാഹനത്തിൽ വച്ചു ഹൃദയമാഘാതം ഓട്ടോ ഡ്രൈവർ ആയ യുവാവ് മരണപ്പെട്ടു! പുതിയങ്ങാടി. ജടായു ഓട്ടോ ഓടിച്ചിരുന്ന കുറുപ്പൻ വേലായുധൻ മകൻ രാജേഷ് (43)എന്ന തമ്പി ആണ് അല്പസമയം മുൻപ് തളിക്കുളം നസീബ് ഓഡിറ്റോറിയം പരിസരത്തു വച്ചു മരണപ്പെട്ടത്. നിയന്ത്രണം വിട്ട ഓട്ടോ മറ്റൊരു വാഹനത്തിൽ ഇടിക്കുകയും ചെയ്തു‌. ഉടൻ acts ആംബുലൻസിൽ ആശുപത്രിയിൽ എത്തിച്ചെങ്കിലും മരണം സ്ഥിരീകരിക്കുകയായിരുന്നു..മാതാവ് അല്ലി, സഹോദരൻ രാജു, സഹോദരി രാജി. സംസ്കാരം പിനീട്

തൃശൂർ പെരിങ്ങോട്ടുകര കരുവാൻകുളത്ത് വൻ വ്യാജമദ്യവേട്ട. 1072 ലിറ്റർ വ്യാജമദ്യം എക്സൈസ് പിടികൂടി. സംഭവവുമായി ബന്ധപ്പെട്ട് ആറ് പേരെ അറസ്റ്റ് ചെയ്തു. കരുവാൻ കുളത്ത് പ്രവർത്തിക്കുന്ന എറാത്ത് റെസ്റ്റോറന്റ് കേന്ദ്രീകരിച്ചാണ് വ്യാജമദ്യം സൂക്ഷിച്ചിരുന്നത്. 33 ലിറ്ററിന്റെ 12 കന്നാസും, 23 ലിറ്ററിന്റെ 20 ബോട്ടിലും, അര ലിറ്ററിന്റെ 432 കുപ്പി മദ്യവുമാണ് പിടികൂടിയത്. രഹസ്യ വിവരത്തെ തുടർന്ന് എക്സൈസ് കമ്മീഷണർ സ്ക്വാഡ്, തൃശൂർ സർക്കിൾ, ചേർപ്പ് റേഞ്ച് എന്നിവർ സംയുക്തമായി നടത്തിയ പരിശോധനയിലാണ് മദ്യം പിടികൂടിയത്. ഹോട്ടലിന് പിറകിൽ രണ്ട് കാറുകളിൽ നിന്നാണ് 16 കേയ്സ് വിദേശ മദ്യം കണ്ടെത്തിയത്. മാക്ഡവൽ ബ്രാൻഡിന്റെ സ്റ്റിക്കർ പതിച്ചാണ് വ്യാജമദ്യം വില്പന നടത്തിയിരുന്നത്. കോട്ടയം സ്വദേശി കെ.വി.റജി, ഇരിങ്ങാലക്കുട സ്വദേശി അനൂപ് കുമാർ , തൃശൂർ കല്ലൂർ സ്വദേശി സെറിൻ ടി.മാത്യു, കൊല്ലം കൊട്ടിയം സ്വദേശി മെൽവിൻ ജെ. ഗോമസ്, കോട്ടയം സ്വദേശി റോബിൻ, ചിറക്കൽ സ്വദേശി പ്രജീഷ് എന്നിവരാണ് പിടിയിലായത്. ഇതിൽ അനൂപ് കുമാർ ഡോക്ടറും, സിനിമ രംഗത്തും പ്രവർത്തിക്കുന്ന ആളാണെന്ന് പറയുന്നു. ഇവരിൽ നിന്നും നിരവധി വ്യാജ ഐഡി കാർഡുകളും, എയർ പിസ്റ്റളും പിടിച്ചെടുത്തിട്ടുണ്ട്. വ്യാജമദ്യം എവിടെ നിന്നാണ് എത്തിച്ചെതെന്നും മറ്റുമുള്ള കാര്യങ്ങൾ അന്വേഷിച്ച് വരികയാണെന്നും എക്സൈസ് ഉദ്യോഗസ്ഥർ ർ പറഞ്ഞു.സി.ഐ അശോക് കുമാർ , ഇൻസ്പെക്ടർ മുരുകദാസ് , കമ്മീഷണർ സ്ക്വാഡ് ഇൻസ്പെക്ടർ ഹരീഷ്, പ്രിവന്റീവ് ഓഫീസർ സജീവ് , മോഹനൻ , കൃഷ്ണപ്രസാദ്, സുധീർ കുമാർ , സിജോമോൻ, ടി.ആർ. സുനിൽകുമാർ , അനീഷ്, വിശാൽ , സനീഷ് കുമാർ എന്നിവരാണ് അന്വേഷണ സംഘത്തിലുണ്ടായിരുന്നത്.