തൃപ്രയാർ ജലോത്സവം : സംഘാടക സമിതി ഓഫീസ് തുറന്നു തൃപ്രയാർ : തിരുവോണ നാളിൽ നടക്കുന്ന തൃപ്രയാർ ജലോത്സവം സംഘാടക സമിതി ഓഫീസ് ഗീതാ ഗോപി എം.എൽ എ ഉദ്ഘാടനം ചെയ്തു . ചെയർമാൻ പി.എം അഹമ്മദ് അധ്യക്ഷത വഹിച്ചു. താന്ന്യം ഗ്രാമപഞ്ചായത്ത് പ്രസിഡൻ്റ് എൻ. എ പീതാംബരൻ, പ്രേമചന്ദ്രൻ വടക്കേടത്ത്, അംബിക ടീച്ചർ, അമർസിംഗ് കുന്നുങ്ങൽ, ബെന്നി തട്ടിൽ എന്നിവർ സംസാരിച്ചു. സംഘാടക സമിതി ഭാരവാഹികളായ ആൻ്റോ തൊറയൻ, വത്സൻ കുറുപ്പത്ത്, കെ. ദിനേശ് രാജ , സി.ജെ റോബിൻ, എം.എസ് സജീഷ് , എം.വി പവനൻ എന്നിവർ സംബന്ധിച്ചു. തൃപ്രയാർ മിനി സിവിൽ സ്റ്റേഷനു എതിർവശത്തുള്ള കെട്ടിടത്തിലാണ് ഓഫീസ് പ്രവർത്തിക്കുക. ആഗസ്റ്റ് 26 നാണ് തൃപ്രയാർ ജലോത്സവം. ശ്രീരാമസ്വാമി ക്ഷേത്രത്തിന് മുൻവശം കനോലികനാലിൽ നടക്കുന്ന ജലോത്സവത്തിൽ ഇരുപതിലധികം ഇരുട്ടുകുത്തി ചുരുളൻ വള്ളങ്ങൾ പങ്കെടുക്കും. ജലഘോഷയാത്രയും നടക്കും.
