തളിക്കുളം ഗ്രാമപഞ്ചായത്ത് ആയുർവേദ ഹോമിയോ ഡിസ്പെൻസറി കെട്ടിടോദ്ഘാടനം ബഹുമാനപ്പെട്ട ആരോഗ്യം വനിത ശിശു വികസന വകുപ്പ് മന്ത്രി വീണാ ജോർജ് ഉദ്ഘാടനം നിർവഹിച്ചു
തളിക്കുളം ഗ്രാമപഞ്ചായത്ത് ആയുർവേദ ഹോമിയോ ഡിസ്പെൻസറി കെട്ടിടോദ്ഘാടനം ബഹുമാനപ്പെട്ട ആരോഗ്യം വനിത ശിശു വികസന വകുപ്പ് മന്ത്രി ശ്രീമതി വീണാ ജോർജ് ഉദ്ഘാടനം നിർവഹിച്ചു. നാട്ടിക നിയോജകമണ്ഡലം എംഎൽഎ സി സി മുകുന്ദൻ ചടങ്ങിൽ അധ്യക്ഷത വഹിച്ചു. തളിക്കുളം ഗ്രാമപഞ്ചായത്ത് പ്രസിഡണ്ട് പി ഐ സജിത ചടങ്ങിൽ സ്വാഗതം പറഞ്ഞു. ബഹുമാനപ്പെട്ട മുൻ എംഎൽഎ ശ്രീമതി. ഗീതാഗോപിയുടെ 2019-20 വർഷത്തെ ആസ്തി വികസന ഫണ്ടായ 50 ലക്ഷം രൂപയും തളിക്കുളം ഗ്രാമപഞ്ചായത്ത് പ്ലാൻ ഫണ്ടും ശുചിത്വ മിഷൻ ഫണ്ടുമായ 25 ലക്ഷം രൂപയും വിനിയോഗിച്ചാണ് കെട്ടിട നിർമ്മാണം പൂർത്തീകരിച്ചത്. 2153 അടി വിസ്തീർണ്ണമുള്ള കെട്ടിടത്തിൽ ആണ് പുതിയ ആയുർവേദ ഹോമിയോ ഡിസ്പെൻസറി പ്രവർത്തനമാരംഭിക്കുന്നത്. ബഹു. തൃശ്ശൂർ എം. പി. ടി എൻ പ്രതാപൻ മുഖ്യാതിഥിയായി. തളിക്കുളം ബ്ലോക്ക് പഞ്ചായത്ത് പ്രസിഡണ്ട് കെ സി പ്രസാദ്, തൃശ്ശൂർ ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി എം അഹമ്മദ് എന്നിവർ വിശിഷ്ടാതിഥികളായി പങ്കെടുത്തു. PWD അസിസ്റ്റന്റ് എൻജിനീയർ ബീന പദ്ധതി വിശദീകരണം നടത്തി. തളിക്കുളം ഗ്രാമപഞ്ചായത്ത് വൈസ് പ്രസിഡണ്ട് പികെ അനിത ടീച്ചർ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എം കെ ബാബു, വികസന സ്റ്റാൻഡിങ് കമ്മിറ്റി ചെയർമാൻ എ എം മെഹബൂബ്, ക്ഷേമകാര്യ സ്റ്റാൻഡ് കമ്മിറ്റി ചെയർപേഴ്സൺ ബുഷറ അബ്ദുന്നാസർ, ബ്ലോക്ക് മെമ്പർമാരായ കല. വി, ലിൻഡ സുഭാഷ് ചന്ദ്രൻ, വാർഡ് മെമ്പർമാരായ വിനയം പ്രസാദ്, സിംഗ് വാലത്ത്, ഷിജി സി കെ, സന്ധ്യാ മനോഹരൻ, കെ കെ സൈനുദ്ദീൻ, സുമന ജോഷി, ഷൈജ കിഷോർ എന്നിവർ ആശംസകൾ അർപ്പിച്ചു സംസാരിച്ചു. തളിക്കുളം ഗ്രാമപഞ്ചായത്ത് ആയുർവേദ മെഡിക്കൽ ഓഫീസർ ഡോക്ടർ ലിറ്റിൽ ടോം, ഹോമിയോപ്പതി മെഡിക്കൽ ഓഫീസർ ഡോക്ടർ കിരൺ വി സി എന്നിവർ പരിപാടികൾക്ക് നേതൃത്വം നൽകി. ഹോമിയോപ്പതി ഡയറക്ടർ ഡോക്ടർ എം എൻ വിജയാംബിക, ഭാരതീയ ചികിത്സ വകുപ്പ് DMO പി ആർ സലജ കുമാരി, നാഷണൽ ആയുഷ് മിഷൻ DPM ഡോക്ടർ നൗഷാദ് എം എസ്, നാഷണൽ ഹെൽത്ത് മിഷൻ DPM ഡോക്ടർ റോഷ് ടിവി ബ്ലോക്ക് പഞ്ചായത്ത് അസിസ്റ്റന്റ് എക്സിക്യൂട്ടീവ് എഞ്ചിനീയർ നയന ജോസ്, തളിക്കുളം ഗ്രാമപഞ്ചായത്ത് അസിസ്റ്റന്റ് എൻജിനീയർ ജോൺസി ടി ജെ, തളിക്കുളം കുടുംബാരോഗ്യ കേന്ദ്രം ഹെൽത്ത് ഇൻസ്പെക്ടർ ഹനീഷ് കുമാർ, തളിക്കുളം ഗ്രാമപഞ്ചായത്ത് ഉദ്യോഗസ്ഥർ, ആരോഗ്യ പ്രവർത്തകർ, ആശാവർക്കർമാർ, അംഗനവാടി അധ്യാപകർ, ഹരിതകർമ്മസേന അംഗങ്ങൾ, പൊതുപ്രവർത്തകർ എന്നിവരും പരിപാടിയിൽ പങ്കെടുത്തു. തളിക്കുളം ഗ്രാമപഞ്ചായത്ത് സെക്രട്ടറി സുധ ജെ ചടങ്ങിൽ നന്ദി പറഞ്ഞു.
