തൃശ്ശൂർ: സർക്കാരിന്റെ 100 ദിന കർമ്മപരിപാടികളുടെ ഭാഗമായി ഭൂരഹിതർക്ക് പട്ടയം നൽകുന്ന പട്ടയമേളയ്ക്ക് സെപ്റ്റംബർ 11ന് രാവിലെ 10.30ന് തൃശ്ശൂർ കെ. കരുണാകരൻ സ്മാരക ടൗൺ ഹാളിൽ തുടക്കമാകും.റവന്യൂ വകുപ്പ് മന്ത്രി എ.പി. അനിൽകുമാർ പട്ടയമേള ഉദ്ഘാടനം ചെയ്യും. സംസ്ഥാനത്തെ അർഹരായ ഗുണഭോക്താക്കളെ കണ്ടെത്തി പട്ടയം നൽകുന്നതിനായി റവന്യൂ വകുപ്പ് സജീവമായ പ്രവർത്തനം നടത്തിവരികയാണെന്ന് മന്ത്രി അറിയിച്ചു. സെപ്റ്റംബർ, ഒക്ടോബർ മാസങ്ങളിലായി എല്ലാ ജില്ലകളിലും പട്ടയമേള സംഘടിപ്പിക്കും.എം.എൽ.എ രാജൻ ജെ. പല്ലൻ ചടങ്ങിൽ അധ്യക്ഷത വഹിക്കും. കേന്ദ്ര പെട്രോളിയം, പ്രകൃതിവാതക, ടൂറിസം വകുപ്പ് സഹമന്ത്രി സുരേഷ് ഗോപി മുഖ്യാതിഥിയാകും. എം.പിമാർ, എം.എൽ.എമാർ, തദ്ദേശഭരണ സ്ഥാപന പ്രതിനിധികൾ, ലാൻഡ് റവന്യൂ കമ്മീഷണർ എച്ച്. ദിനേശൻ, ജില്ലാ കളക്ടർ ശിഖാ സുരേന്ദ്രൻ തുടങ്ങിയവർ ചടങ്ങിൽ പങ്കെടുക്കും.
