തൃപ്രയാർ :* നാല് പതിറ്റാണ്ടിലേറെയായി നാട്ടിക മണപ്പുറത്ത് ഫോട്ടോഗ്രാഫി രംഗത്ത് സജീവമായി പ്രവർത്തിക്കുന്ന *സെലിൻ ജോസിന്* ഐ കൾച്ചറൽ ഫൗണ്ടേഷൻ ഏർപ്പെടുത്തിയ *ചിത്രവിസ്മയ പുരസ്കാരം* നൽകി ആദരിച്ചു. ആൾ കേരള ഫോട്ടോഗ്രാഫേഴ്സ് അസോസിയേഷന്റെ (AKPA) 42-ാം വാർഷികാഘോഷങ്ങളുടെ ഭാഗമായാണ് പുരസ്കാരം നൽകിയത്.ഐ കൾച്ചറൽ ഫൗണ്ടേഷൻ ജില്ലാ പ്രസിഡന്റ് *പി.എസ്.പി. നസീർ* അധ്യക്ഷത വഹിച്ചു. പ്രശസ്ത സീരിയൽ താരം *ഷൈജൻ ശ്രീവത്സൻ* പുരസ്കാരം സമ്മാനിച്ചു. സാമൂഹിക പ്രവർത്തകൻ *ആർ.ഐ. സക്കറിയ* സെലിനെ പൊന്നാട അണിയിച്ചു.ബ്ലാക്ക് ആൻഡ് വൈറ്റ് ഫോട്ടോഗ്രാഫിയുടെ കാലത്ത് ഫോട്ടോഗ്രാഫി ജീവിതം ആരംഭിച്ച സെലിൻ ജോസ് അനലോഗ്, ഡിജിറ്റൽ സാങ്കേതികവിദ്യകളെ പിന്നിട്ട് ആർട്ടിഫിഷ്യൽ ഇന്റലിജൻസിന്റെ പുതിയ കാലഘട്ടത്തിലും ഫോട്ടോഗ്രാഫി രംഗത്ത് സജീവമായി തുടരുകയാണ്. പ്രമുഖ പത്രങ്ങൾക്കുവേണ്ടി വർഷങ്ങളായി ഫോട്ടോഗ്രാഫി സേവനം അനുഷ്ഠിക്കുന്ന അദ്ദേഹം നാട്ടികയുടെ സാമൂഹികവും സാംസ്കാരികവുമായ നിരവധി *അസുലഭ ജീവിതമുഹൂർത്തങ്ങൾ* ക്യാമറയിൽ പകർത്തിയിട്ടുണ്ട്.കാലത്തിനനുസരിച്ച് മാറിയ സാങ്കേതികവിദ്യകളെ സ്വായത്തമാക്കി നാല് പതിറ്റാണ്ടിലേറെയായി ഈ രംഗത്ത് സജീവമായി തുടരുന്ന അദ്ദേഹത്തിന്റെ സമർപ്പണവും നിസ്വാർത്ഥ സേവനവും ശ്രദ്ധേയമാണ്. ഫോട്ടോഗ്രാഫിക്ക് പുറമെ കൃഷിയിലും സജീവമായ സെലിൻ ജോസ് മികച്ചൊരു കർഷകൻ കൂടിയാണ്.ഫോട്ടോഗ്രാഫി മേഖലയിലെ ദീർഘകാല സേവനവും സാമൂഹിക പ്രതിബദ്ധതയും പരിഗണിച്ചാണ് ചിത്രവിസ്മയ പുരസ്കാരം നൽകിയത്.ഐ കൾച്ചറൽ ഫൗണ്ടേഷൻ സെക്രട്ടറി *നസിൽ പെരിങ്ങോട്ടുക്കര*, സംവിധായകൻ *ശ്രീലാൽ കൊച്ചത്ത്* എന്നിവർ ആശംസകൾ നേർന്ന് സംസാരിച്ചു. *നസിൽ പി.എസ്.പി, ഷാജഹാൻ എ.ഐ , രാനീഷ് കെ. രാമൻ* എന്നിവർ ചടങ്ങിൽ പങ്കെടുത്തു.
